მდინარე ენგურის ხიდზე მდებარე ადმინისტრაციული საზღვრის გამშვებ პუნქტთან შესაძლოა „საინფორმაციო-საკონსულტაციო ქართულ-აფხაზური ცენტრი“ დაარსდეს.. ცენტრის შექმნის იდეა კავშირმა „ქართულ-აფხაზური შერეული ოჯახები“ და კონფლიქტებისა და მოლაპარაკებების საერთაშორისო კვლევით ცენტრმა (ICCN) ერთად შეიმუშავა. 21 მარტს, ზუგდიდის დემოკრატიული ჩართულობის ცენტრში პროექტის იდეა არასამთავრობო ორაგნიზაციების და ადგილობრივი თვითმმართველობის წარმომადგენლებს გააცნო კავშირ „ქართულ-აფხაზური შერეული ოჯახების“ თავმჯომარემ რევაზ ბენდელიანმა.იგი აღნიშნავს, რომ თავისუფალი სივრცის არსებობა სტრატეგიულად მნიშვნელოვანია ,როგროც ქართული ასევე აფხაზური მხარისთვის. პროექტში ორი აფხაზური არასამთავრობო ორგანიზაციაა ჩართული და მათი მოვალეობა იქნება აფხაზი ხალხის დაუწყება ცენტრის არსებობასთან დაკავშირებით. „ეს იქნება ცენტრი სადაც მოხდება ინფორმაციის გაცვლა და ყველას შეეძლება საჭირო ინფორმაციის მიღება. „ქართულ-აფხაზური შერეული ოჯახების“ კავშირის მიერ მოძიებული ინფორმაციით ორივე მიმართულებით ყოელდღიურად 1200-ზე მეტი ადამინი გადაადგილდება, აფხაზეთიდან გადმოსულ მოსახლეობას ძირითადად აინტერესებს სავაჭრო,სოფლის მეურნეობის, ჯანდაცვის, საგანმანათლებლო და დასაქმების სფერეობი, დიდია ორმხრივი დაინტერესებაც, რაც ძირითადად ნათესავების მონახულებასა და დაკარგულების მოძიებაში გამოიხატება.“-ამბობს ბენდელიანი. კავშირ „ქართულ-აფხაზური შერეული ოჯახების“ აზრით, საზოგადოების როლი მშვიდობის მშენებლობის საკითხებში ერთ-ერთი უმნიშვნელოვანესია და სამოქალაქო სექტორმა და მთლიანად საზოგადოებამ უნდა გამოიჩინოს ამ მიმართულებით ინიციატივა . შეხვედრამ დისკუსიის რეჟიმში ჩაიარა ,დამსწრე საზოგადოებამ პროექტთან დაკავშირებით საკუთარი მოსაზრებები გამოთქვა. შეხვედრის ერთ-ერთმა მონაწილემ, აფხაზეთის ლეგიტიმური მთავრობის ადგილობრივი ორგანიზაციის წარმომადგენელმა ნონა უბილავამ აღნიშნა, რომ თითოეული მსგავსი პროექტი ძალიან მნიშვნელოვანია კონფლიქტის დასარეგულირებლად.