"თავისუფალი საქართველოს"  ლიდერი კახა კუკავა ზუგდიდელებს მერობის  და გამგებლობის კანდიდატის საზოგადოების მიერ შერჩევას სთავაზობს. კუკავა ზუგდიდის მცხოვრებლებს და არასამთავრობო ორგანიზაციების წარმომადგენლებს დღეს, 22 მარტს ზუგდიდის დემოკრატიული ჩართულობის ცენტრში შეხვდა და თვითმმართველობის არჩევნებზე ესაუბრა. „ჩვენ არ გვინდა რომ ზუგდიდის მომავალ მერს ერქვას არჩევითი, მაგრამ იგი არჩეული   იყოს ღარიბაშვილის და თამაზაშვილის ოჯახში“ -აღნიშნა კუკავამ. მისივე თქმით ხალხის მიერ არჩეული კანდიოდატი უნდა იყოს წარდგენილი, როგორც ზუგდიდში ასევე რაიონებშიც, ხოლო მათი პარტია კი  ხალხის მიერ არჩეულს დაუჭერს მხარს. "თავისუფალი საქართველოს"  ლიდერის განმარტებით,  მერობის სავარაუდო  კანდიდატის ვინაობას საზოგადოება აპრილის თვეში გაიგებს. თავისუფალი საქართველოს“ ლიდერმა შეხვედრის მონაწილეებს გააცნო ვებ-გვერდის რუქა, სადაც მთელი საქართველოს მასშტაბით მოსახლეობას მერობის, გამგებლობის თუ მაჟორიტარი დეპუტატობის საკუთარი კანდიდატების დასახელება შეეძლება. „რამდენიმე ოპოზიციურ პარტიასთან შეთანხმებულები ვართ, არ ვეძებოთ არც ზუგდიდში და არც სხვა რაიონებში პარტიული კანდიდატები. ჩვენი ამოცანაა ზუგდიდს კარგი მერი ჰყავსდეს, კარგი ზუგდიდელი, იმის მიუხედავად, რომ შეიძლება სულაც უპარტიო იყოს. მოსახლეობის გადაწყვეტილებებებში ჩვენ კორექტივებს არ შევიტანთ“, - განმარტა კახა კუკავამ.