შამგონა-თაგილონის ადმინისტრაციულ საზღვართან რუსი სამხედროების მიერ დაკავებული სამი ქართველის მამუკა ბერია, სულხან და მურად წყაროზიების სასამართლო პროცესი გალის რაიონში დღეს გაიმართება. ამის შესახებ რადიო“ათინათს“ ზუგდიდის რაიონის სოფელ შამგონას რწმუნებულმა გოჩა შენგელიამ განუცხადა. „სოხუმიდან პროკურორს ელოდებიან,სასამართლო პროცესი გაიმართება გალის მილიციის შენობაში,სადაც ამჟამად იმყოფებიან დაკავებულები.“აცხადებს გოჩა შენგელია. დე-ფაქტო რესპუბლიკის სასამართლომ ,შესაძლებელია დაკავებული ქართველები ჯარიმის გადახდის სანაცვლოდ გაათავისუფლოს, თუმცა, მათ უფლებებს სასამართლოზე ადვოკატები არ იცავენ. თვითგამოცხადებული რესპუბლიკის მთავრობის მიერ მიღებული კანონმდებლობით, ქართველებს, რომლებიც ადმინისტრაციულ საზღვარზე 2 აპრილს რუსმა სამხედროებმა დააკავეს, საზღვრის უკანონო გადალახვა ედებათ ბრალად, რაც ერთიდან სამ წლამდე პატიმრობას ან ჯარიმას ითვალისწინებს.