მოძრაობა „ზუგდიდი დამოუკიდებლობისა და ევროინტეგრაციისთვის“ და „რეგიონული განვითარების ცენტრი“ ადგილობრივი ხელისუფლების და ძალოვანების მხრიდან ზეწოლაზე საუბრობს. „ზუგდიდი დამოუკიდებლობისა და ევროინტეგრაციისთვის“ წევრის დემეტრე ლიპარტიას განცხადებით, მათ 9 აპრილის მემორიალთან საღამოს 20:00 საათზე დაგეგმილი ჰქონდათ პერფორმანსი, რომელიც შეთანხმებული იყო ადგილობრივ მთავრობასთან,თუმცა, რამდენიმე საათით ადრე შეიტყვეს,რომ სწორედ ამ ადგილას „ქართული ოცნების“ ახალგაზრდული ორგანიზაცია ემზადებოდა ღონისძიების გასამართავად. გამგეობამაც, აპარატურაზე უარი გვითხრა და განგვიმარტა, რომ შესაბამისი წერილობითი თხოვნით მათთვის არავის მიუმართავთ. „9 აპრილის ღონისძიება პოლიტიკურ ღონისძიებად აქციეს“, - ამბობს მოძრაობის წევრი დემეტრე ლიპარტია. ორგანიზაცია„ზუგდიდი დამოუკიდებლობისა და ევროინტეგრაციისთვის“ წარმომადგენელის ანა წითლიძის თქმით, „ რაც დღეს ხდება საქართველოში არის დამადასტურებელი იმისა, რომ ხელისუფლება აგონიაში და პანიკაშია, სამწუხაროდ ეს არის ის გასაოცარი დემოკრატია, რომელსაც ივანიშვილი დაგვპირდა და რომლითაც ასე გააოცა უკვე ევროპა. მსგავსი დაპირისპირებები არაფერს მოუტანს სასიკეთოს ქვეყანას". -ამბობს წითლიძე.