პირველკლასელები განახლებულ, ახალი ტიპის ბუკებს მიიღებენ. როგორც განათლების სამინისტროში აცხდებენ , ახალი ბუკი იქნება გაუმჯობესებული როგორც ტექნიკური პარამეტრებით, ასევე შინაარსობრივად. მისივე თქმით, სამინისტრო საპილოტე პროექტზე მუშაობს. "სამინისტრო მუშაობდა და მუშაობს ახალი ტიპის კომპიუტერებზე, რომელიც უნდა შევთავაზოთ მოსწავლეებს, მაგრამ ეს იქნება უფრო მაღალ კლასებში. ეს იქნება საპილოტე პროექტი", - აცხადებს განათლების მინისტრის მოადგილე ლია გიგაური. ამასთან, განათლების სამინისტრო მშობლებს აფრთხილებს, რომ არ დაარეგისტრირონ ერთი ბავშვი რამდენიმე მეურვემ და მშობელმა ერთდორულად, რადგან ეს  პროგრამას ხარვეზებს უქმნის. "ჩვენ გაფრთხილებას ვაკეთებთ ყველა მშობელთან, რომ არ დაარეგისტრიროს ერთი ბავშვი რამდენიმე მეურვემ და მშობელმა ერთდორულად, რაც პროგრამას უქმნის ხარვეზებს. რაც მთავარია, ამის შესაძლებობა მშობელს ნამდვილად არ ექნება, რადგან თუ ერთი და იგივე ბავშვზე რეგისტრაციას დაიწყებს რამდენიმე ადამიანი, საერთოდ შეჩერდება ამ ბავშვის რეგისტრაცია. პროგრამულად ეს უზრუნველყოფა გაკეთებულია, პროგრამა ისეა გამართული, რომ მცდელობა ერთი ბავშვი დაარეგისტრიროს 10-მა, 15-მა, 20 ადამიანმა აუცილებლად იქნება დაბლოკილი", - აღნიშნა ლია გიგაურმა.  პირველკლასელთა რეგისტრაციის პირველი ეტაპი 23 აპრილს დაიწყება. პირველკლასელთა რეგისტრაციის სრულ სამივე ეტაპის განგრიგს სამინისტრო ხვალ წარმოადგენს.