- Error
რუბრიკები
წალენჯიხის მუნიციპალიტეტის სოფლებში მგლების შემოსევას ვერ უმკლავდებიან
წალენჯიხის მუნიციპალიტეტის სოფლების ჩქვალერისა და საჩინოს მოსახლეობა მგლების შემოსევების გამო დახმარებას ითხოვს.
ადგილობრივების თქმით, ბოლო ერთი თვის განმავლობაში, მგლების მიერ შინაური პირუტყვის დაგლეჯის 30-მდე შემთხვევა დაფიქსირდა. სოფელ ჩქვალერის მკვიდრი გია გოგილავა ამბობს, რომ მათ სოფელში მგლების შემოსევის ფაქტები წლებია გრძელდება, თუმცა, ბოლო პერიოდში განსაკუთრებით იმატა. გოგილავა ამბობს,რომ ისინი მგლების შემოსევას საკუთარი ძალებით ვერ უმკლავდებიან.
„ჩემს სამეზობლოში ოჯახი არ არის დარჩენილი, 1-2 შინაური პირუტყვი, რომ არ დაუგლიჯა. კიდევ კარგი ბავშვები სკოლაში ავტობუსით დადიან, თორემ, ვერ გავუშვებდით. მე ხშირად მიწევს ტყეში გასვლა და ვხედავ მგლების ნაფეხურებს. ხროვაში, დაახლოებით, 20-მდე იქნება. დახმარებისთვის ადგილობრივ ხელისუფლებასაც მივმართეთ და და პირობა მოგვცეს- დაგეხმარებითო“, - ამბობს სოფელ ჩქვალერის მცხოვრები.
შინაური პირუტყვის გარდა, გია გოგილავა „მშვიდობიან“ გარეულ ცხოველებზეც წუხს და ამბობს, რომ მათ გადაშენება ემუქრებათ.„ხშირად მიწევდა მთებში სიარული, ვხედავდი შველს, გარეულ ტახს, ერთი- ორი არჩვიც დახტოდა და ახლა ვერც ერთს ვხედავ და ვერც მეორეს. შვლის ტყავი ვნახე ,დაუგლეჯია გასულ ზამთარს...რა გახდა ეს მგელი ასეთი“, - ამბობს გია გოგილავა.
ჩქვალერის მოსახლეობის მიერ გადაღებული ფოტოები წალენჯიხის მუნიციპალიტეტის გამგებლის გოგა გულორდავას თქმით, მათთვის ცნობილია მგლის შემოსევის ფაქტები და შესაბამისი წერილით გარემოს დაცვის სამინისტროს რამდენიმე დღის წინ მიმართეს. „გარემოს დაცვის სამინისტროდან პასუხი ჯერ არ მიგვიღია. თუმცა, ამ მიმართულებით აქტიურად ვმუშაობთ“, - უთხრა რადიო „ათინათს“ გამგებელმა.
ჩქვალერის მოსახლეობის მიერ გადაღებული ფოტოები წალენჯიხის მუნიციპალიტეტის გამგებლის გოგა გულორდავას თქმით, მათთვის ცნობილია მგლის შემოსევის ფაქტები და შესაბამისი წერილით გარემოს დაცვის სამინისტროს რამდენიმე დღის წინ მიმართეს. „გარემოს დაცვის სამინისტროდან პასუხი ჯერ არ მიგვიღია. თუმცა, ამ მიმართულებით აქტიურად ვმუშაობთ“, - უთხრა რადიო „ათინათს“ გამგებელმა.
გარემოსა და ბუნებრივი რესურსების დაცვის სამინისტროს ბიომრავალფეროვნების დაცვის სამსახურის მთავარი სპეციალისტის, ნონა ხელაიას თქმით, წალენჯიხის გამგეობიდან მგლების შემოსევის ფაქტზე, წერილი ჯერჯერობით არ მიუღიათ და ამის შესახებ მათ არაფერი იციან. ხელაიას განმარტებით,იმ შემთხვევაში, როდესაც მგლების შემოსევას მოსახლეობა უშუალოდ თავდასხმის მომენტში ვერ უმკლავდება, გარემოს დაცვის სამინისტრო პრობლემის მოსაგვარებლად უფლებამოსილების დელეგირებას ადგილობრივ ხელისუფლებასთან ახდენს.
„ სამინისტროსა და ადგილობრივ ხელისუფლებას შორის ფორმდება ხელშეკრულება,რომლითაც ჩვენ მათ ვანიჭებთ უფლებას მოკლან გარკვეული სახეობის გარეული ცხოველი, გარკევული რაოდენობით. ამის შემდეგ ადგილობრივი ხელისუფლების საქმეა, შექმნის მონადირეთა ჯგუფს თუ სხვა საშუალებით მოახერხებს პრობლემის მოგვარებას“, თქვა ნონა ხელაიამ.
ცნობისთვის,საქართველოს გარემოს დაცვისა და ბუნებრივი რესურსების მოქმედი დებულების თანახმად გარეული ცხოველის მოკვლა აკრძალულია, გარდა „იმ შემთხვევისა, როდესაც გარეული ცხოველი საფრთხეს უქმნის ადამიანთა ჯანმრთელობას,სიცოცხლეს,ზიანს აყენებს მათ ქონებას და ამ საფრთხის თავიდან აცილება შეუძლებელია.თავდასხმის მომენტში მისი ბუნებიდან ამოღება (რეგულირების ღონისძიება) ხორციელდება დაუყოვნებლივ და არ საჭიროებს საქართველოს გარემოს დაცვისა და ბუნებრივი რესურსების სამინისტროს წინასწარ თანხმობას“.- ნათქვამია სამინისტროს დებულებაში.
დაფინანსებული
26 ოქტომბერს, ზუგდიდში, არასამთავრობო ორგანიზაციის “Care კავკასიაში“ საპილოტე პროექტის „ფერმერთა საველე და ბიზნეს სკოლა“ (FFBS) შემაჯამებელი შეხვედრა გაიმართა. ღონისძიებაზე, რომელიც ასოციაციის „სოფლის მეურნეობის
ქეა კავკასიას პროექტი ,,ფერმერთა საველე და ბიზნეს სკოლა“(FFBS) მიზნად ისახავდა მცირე და საშუალო მეწარმეების შემოსავლის, მოგებისა და მედეგობის გაზრდას, გენდერულად ტრანსფორმაციული და კლიმატ-გონივრული სოფლის მეურნეობის მხარდაჭერით.
ზუგდიდის მუნიციპალიტეტში სხვადასხვა ინფრასტრუქტურული პროექტის განხორციელება აქტიურად მიმდინარეობს.
სტატია
ინტერვიუ
გადაცემები
რუბრიკები
მულტიმედია
დილის ჩართვა
ოდაბადეშ კინოხონი
დადიანების სასახლეთა საგანძური
შენი საუკეთესო მომავლისთვის
მთავარი საინფორმაციო გამოშვება
მოქალაქეების აზრი
ჩვენი თვითმმართველობა
არქივი
ამინდი
ზუგდიდი
17
°C
სოხუმი
15
°C
ფოთი
15
°C
მესტია
5
°C
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
მასალის გამოყენების პირობები