ტოტალიზატორის დაცვის თანამშრომლის ცემასა და ძარცვაში ბრალდებულ ლევან დარასელიას საქმეზე დღეს, 29 აპრილს, ბრალდების მხარის ორი მოწმე დაიკითხა. დასავლეთ საქართველოს რეგიონული ექსპერტიზის დეპარტამენტის, სასამართლო სამედიცინო ექსპერტის მამუკა ნოსრიძის და ტოტალიზატორის თანამშრომლის მერაბ ქირია ჯვარედინ დაკითხვას ბრალდებისა და დაცვის მხარის წარმომადგენლები დაახლოებით ერთი საათის განმავლობაში აწარმოებდნენ. სასამართლო სამედიცინო ექსპერტმა დაზარალებულად მიჩნეულ რობერტ გაბისონიასთვის 2014 წლის 22 იანვარს მის მიერ გაცემული ექსპერტიზის დასკვნა სასამართლოს წარუდგინა.„ექსპერტიზის შედეგად დადგინდა, რომ გაბისონიას სხეულზე აღენიშნებოდა 2 სისხლნაჟღენთი და ერთი ნაჭდევი“,-განუცხადა სასამართლოს ექსპერტმა. მისივე თქმით, დაზარალებულად მიჩნეულისთვის მიყენებული დაზიანებები მსუბუქ ხარისხს მიეკუთვნებოდა და რაიმე სახის მკვრივი, ბლაგვი საგნის ზემოქმედების შედეგად იყო მიღებული. დაცვის მხარის კითხვას შეისაძლებელია თუ არა დაზიანებები მიყენებული ყოფილიყო მუშტით, ექსპერტმა დადებითი პასუხი გასცა. ბრალდებულად მიჩნეულ ლევან დარასელიასა და დაზარალებულად ცნობილ რობერტ გაბისონიას შორის 19 იანვრის ინციდენტამდე არსებულ კონფლიქტზე ისაუბრა მერაბ ქირიამ და განაცხდა, რომ თვითონ არ ყოფილა მომსწრე ზემოაღნიშნულ ორ პიროვნებას შორის არსებული დაპირისპირებისა, თუმცა, მას სხვა ადამინების მიერ ჰქონდა ინფორმაცია, რომ გამისონიას მხრიდან ცეცხლსასროლი იარაღის გამოყენებასაც ჰქონია ადგილი.„ მსმენია, რომ გაბისონია დარასელიასთვის ბოდიშის შეთვლასაც აპირებდა, თუმცა, მერე რა მოხდა არ ვიცი-,“აღნიშნა ქირიამ. ქირიამ ,ასევე დაადასტურა, რომ 19 იანვრის ღამეს გაბისონიას თან ქონდა თანხა 30 ლარის ოდენობით, რომელიც თვითონ ასესხა. შეგახსენებთ,რომ ბრალდების მხარე დარასელიას დაზარალებულისთვის აღნიშნული თანხის წართმევას და სხვა პირთან ერთად მის ცემას ედავება. ლევან დარსელიას ბრალი სისიხლის სამართლის 178-ე მუხლის მესამე ნაწილის „ა“ და „ბ“ ქვეპუნქტებით ედება, რაც ჯგუფურ ძარცვას გულისხმობს და ბრალის დამტკიცების შემთხვევაში ბრალდებულს 5–დან 8 წლამდე თავისუფლების აღკვეთა ემუქრება.