29 აპრილს, სასტუმრო ანაკლიაში გაიმართა თხილის წარმოების სექტორში ახალი 3-წლიანი პროექტის პრეზენტაცია, რომელიც მცირე ფერმერთა ფინანსურ მხარდაჭერას, სამართლიანი ვაჭრობისა და ბიოთხილის წარმოების ღირებულების ჯაჭვის შექმნის პროცესში მათ ჩართვას ითვალისწინებს. პროექტის ახორციელებენ შვეიცარიული არასამთავრობო ორგანიზაცია HEKS/EPER-ი, შვეიცარიული კომპანიები „სვის კრედიტი“ და „ანკა ფეარ თრეიდი“, ქართულ არასამთავრობო ორგანიზაცია ბიოლოგიურ მეურნეობათა ასოციაცია „ელკანას“-თან თანამშრომლობით და ის მიმართულია მცირე ფერმერთა პროდუქტიულობისა და შემოსავალების გაზრდისაკენ. 3-წლიანი პროექტი მიზნად ისახავს: • ტრეინინგების ჩატარებას 1500 ფერმერისათვის (ელკანა) • ხელშეწყობას ბიო და სამართლიანი ვაჭრობის სერთიფიცირებაში (HEKS/EPER-ი და ელკანა); /სერტიფიცირების პროცესს საერთაშორისო ბაზრებისათვის FLO-CERT GmbH და შპს კავკასსერტი წარმართავენ/ • ინფორმაციული და ტექნიკური მხარდაჭერას (ანკა ფეარ თრეიდი, ელკანა) • მოსავლის უზრუნველყოფას დაბალპროცენტიანი და გირაოს გარეშე კრედიტებით (სვის კრედიტი) • მოსავლის აღების და შემდგომი მომსახურეობის უზრუნველყოფას (ანკა ფეარ თრეიდი) • მცირე ფერმერთათვის ევროპულ ბაზარზე ხელმისაწვდომობას, მაღალი ფასებით, სამართლიანი ვაჭრობისა და ორგანულ პროდუქციაზე დამატებითი ღირებულებით (PAKKA AG) • ფერმერთა შესაძლებლობებისა და შემოსავლების მნიშვნელოვან გაუმჯობესებას (ყველა ორგანიზაცია). კომპანია „ანკა ფეარ თრეიდის“ წარმომადგენლის ალიკ ყიზილდაკის განცხადებით, პროექტი მიზნად ისახავს ტრეინინგების ჩატარებას 1500 ფერმერისათვის, ხელშეწყობას ბიო და სამართლიანი ვაჭრობის  სერთიფიცირებაში, სერტიფიცირების პროცესს საერთაშორისო ბაზრებისათვის, მოსავლის უზრუნველყოფას დაბალპროცენტიანი და გირაოს გარეშე კრედიტებით, მცირე ფერმერთათვის ევროპულ ბაზარზე ხელმისაწვდომობას და შემოსავლების გაუმჯობესებას. შეხვედრას ესწრებოდა ზუგდიდის გამგებლის მოადგილის მოვალეობის შემსრულებელი მერაბ ქვარაია, რომელმაც პროექტის ხელშეწყობისთვის მზადყოფნა გამოთქვა.