ზუგდიდის საგანმანათლებლო რესურსცენტრში სკოლის დირექტორებსა და ადგილობრივი თვითმმართველობის წარმომადგნელებთან გამართულ შეხვედრაზე პრიორიტეტად ქალაქისა და სოფლების საჯარო სკოლების ეზოს პერიმეტრის აღდგენა დასახელდა. ასევე პრიორიტეტი , სოფლის საჯარო სკოლის მოსწავლეებისთვის დამატებითი სატრანსპორტო ხაზის გამოყოფას და მოსწავლეთა მიერ წარმოდგენილი პროექტების დაფინანსებას მიენიჭა. ზუგდიდის საგანმანათლებლო რესურს-ცენტრის ხელმძღვანელის გონელ პაპავას განცხადებით, ცნობილი გახდა, რომ ქალაქის მე- 4 ,მე-8 მე-11და მე-10 საჯარო სკოლებს პერიმეტრი არ ქონდა შემოსაზღვრული, იგივე პრობლემა სოფლის სკოლებსაც აღმოაჩნდათ. რესურსცენტრის ინივიატივით ადგილობრივ ბიუჯეტში შეტანილი ცვლილებების შედეგად მე-8 საჯარო სკოლას 220 სიგრძულ მეტრზე აღუდგა პერიმეტრი, მე-11 სკოლას 214 სიგრძულ მეტრზე, ხოლო მე-10 სკოლაში სამუშაოები ახლა იწყება. რესურს-ცენტრის ინფორმაციით, კედლების ჩამოშლის საფრთხის წინაშე იდგა ჯიხაშკარის 1-ელი საჯარო სკოლა, რომელსაც საჭირო თანხა უკვე გადაერიცხა. "ამ ეტაპზე 15 სოფლის 618 მოსწავლე დამატებითი სარანსპორტო ხაზით სარგებლობს. მოსწავლეთა უსაფრთხო გადაყვანა სკოლის ხელმისაწვდომობის ქვეპროგრამის ფარგლებში ხდება, რომელსაც განათლებისა და მეცნიერების სამინისტრო ახორცილებს. ამ მხრივ დარჩენილი იყო დამატებითი ხაზები, რომელიც რესურსცენტრის ინიციატივით ადგილობრივი თვითმმართველობის დახმარებით იქნა დაფინანსებული"-აღნიშნავს გონელ პაპავა. ამჟამად მე- 6 საჯარო სკოლისთვის 13 200 ლარია დარიცხული, რომელიც სააქტო დარბაზის აღდგენას უნდა მოხმარდეს, ფინანსდება ასევე  მე-9 სკოლაში გათბობის დამონტაჟებაც. გონელ პაპავა მიიჩნევს, რომ აღნიშნულ სკოლებს „უსაფრთხო სკოლის შექმნის ქვეპროგრამასთან“ დაკავშირებით შესაბამისი პროექტების განხორცილების საფუძველზე სასწავლო პროცესის სრულყოფილად ჩატარების საშუალება მიეცემათ.