დღეს,ზუგდიდში „ერთიანი ნაციონალური მოძრაობის“ ლიდერებმა კომბინატის კულტურის სახლში, მაჟორიტარი დეპუტატობის კანდიდატების წარდგენისას, განაცხადეს, რომ ისინი ზუგდიდში თვითმმართველობის არჩევნებს მოიგებენ. კომბინატის კულტურის სახლში იმყოფებოდნენ: გიგი უგულავა, ნუგზარ წიკლაური, დავით ბაქრაძე, ირმა ნადირაშვილი და ასევე, ადგილობრივი ორგანიზაციის წარმომადგენლები. „ნაციონალურ მოძრაობასან“ შეხვედარს 500-ზე მეტი ადამიანი ესწრებოდა. „აი, თითქოს, ზუგდიდი ხომ არ არის დიდი ქალაქი, მაგრამ ზუგდიდი ყოველთვის იყო გამორჩეული, კომუნისტების დროსაც კი. ვინც იმარჯვებს ზუგდიდში, ის იმარჯვებს მთელს საქართველოში“,- განაცხადა გიგი უგულავამ დღევანდელ შეხვედრაზე. ზუგდიდის გამგებლობის კანდიდატის თენგიზ გუნავას თქმით, ისინი „ქართულ ოცნებას“ 15 ივნისს "ბეჭებზე დადებენ". შეგახსენებთ, რომ დღეს, ზუგდიდში, კომბინატის კულტურის სახლში, „ერთიანმა ნაციონალურმა მოძრაობამ“ მაჟორიტარი დეპუტატობის კანდიდატების და 37 კაციანი პარტიული სია წარადგინა.