აღნიშნულ კომიტეტში აქტიური ახალგაზრდები გაწევრიანდებიან და სხვადასხვა პროექტებს განახორცილებენ. „JCI საქართველოს“ დამფუძნებელმა და პრეზიდენტმა სოფიო გაჩიჩილაძე აღნიშნას,რომ ორგანიზაციის მიზანი საზოგადოებისთვის დადებითი ცვლილებების მომტანი პროექტების განხორციელება და სხვადასხვა არსებული პრობლემის ახალგაზრდების ჩართულობით მოგვარებაა. „ჩვენ ვმუშაობთ გაეროს ათასწლეულის განვითარების მიზნებზე, აღებული გვაქვს 3 მიზანი: უკიდურესი სიღარიბე, გარემოს დაცვა და საერთაშორისო ახალგაზრდული თანამშრომლობები, სწორედ ამ კუთხით ვაპირებთ საქართველოში პროექტების განხორციელებას,“-ამბობს ორგანიზაციის პრეზიდენტი. დღეს გამართულ შეხვედრაზე ადგილობრივი ორგანიზაციის 7 დამფუძნებელი შეირჩა, ხოლო ხელმძღვანელის არჩევა გაწევრიანებული ახალგაზრდების მიერ უახლოეს მომავალში მოხდება. ლოკალური ორგანიზაციის ერთ-ერთი დამფუძნებელის გიორგი ქობალიას თქმით, „JCI ზუგდიდი“ მსოფლიო ახალგაზრდობის პალატის წარმომადგენლობაა და ორგანიზაციის მიზანია ზუგდიდში ახალგაზრდობა მეტად იყოს ჩართული მსგავს პროექტებში. მისივე თქმით, მუშაობა მაქსიმალურად ყოვლისმომცველი და საინტერესო უნდა იქნეს, რომელშიც ახალგაზრდები გარკვეულ გამოცდილებას მიიღებენ.