კოალიცია „ქართული ოცნების“ ზუგდიდის საარჩევნო შტაბის ხელმძღვანლებმა დღეს, 27 მაისს, გამართულ ბრიფინგზე საგანგებო განცხადება გააკეთეს. ისინი თვითმმართველობის არჩევნებში მონაწილე ყველა საარჩევნო სუბიექტს პიროვნული დაპირისპირებებისა და კონფრონტაციისგან თავის შეკავებისკენ მოუწოდებენ. „სამწუხაროდ ზუგდიდში ბოლო დღეების განმავლობაში ზოგიერთი პოლიტიკური სუბიექტის მხრიდან თავი იჩინა აგრესიულმა ქმედებებმა. ეს გამოიხატა სააგიტაციო მასალების ჩამოხევაში, პიროვნულ შეურაცხყოფაში, უპასუხისმგებლო განცხადებების კეთებაში და ა.შ. კოალიცია „ქართული ოცნების ინტერესებში გახლავთ არჩევნები ჩატარდეს მშვიდ, თავისუფალ და დემოკრატიულ გარემოში და შესაბამისად მიგვაჩნია, რომ პროვოკაციული ქმედებები ხელოვნურად ძაბავს წინასააჩევნო გარემოს და ხდება ადამიანებს შორის პიროვნული დაპირისპირების საფუძველი. "პირველ რიგში მინდა მივმართო ქართული ოცნების მხარდამჭერებს,  თავი შევიკავოთ აგრესიული ქმედებებისგან, პიროვნული დაპირისპირებებისა და კონფრონტაციისაგან“. აღნიშნული განცხადება ჟურნალისტებს, საგანგებო ბრიფინგზე, "ქართული ოცნების" მაჟორიტრმა დეპუტატობის კანდიდატმა მერაბ ქვარაიამ გააცნო. ამასთან, ქვარაია, სამართალდამცავებს მიმართავს და ნებისმიერი კანონდარღვევის შესწავლისკენ მოუწოდებს.