ფენტეზური სერიალი „სამეფო კარის თამაშები“ მეოთხე სეზონის მეშვეობით საკაბელო ტელევიზიის HBO-ს ისტორიაში ყველაზე პოპულარული შოუ გახდა. მან მთლიანობაში 18,4 მილიონი მაყურებლის ყურადღება მიიპყრო. წინა რეკორდი ეკუთვნოდა დრამას „სოპრანოს კლანი“, რომელიც 2002 წელს  18,2 მილიონმა ადამიანმა ნახა. „სამეფო კარის თამაშების“ მიმდინარე, მეოთხე სეზონმა უკვე დაამყარა რეკორდი სერიალის სხვადასხვა რეიტინგებში. მეოთხე სეზონის აუდიტორია წინა სეზონთან შედარებით ოთხი მილიონით მეტია , ხოლო ეპიზოდს, რომელიც 2014 წლის 18 მაისს გამოვიდა, პირდაპირ ეთერში  7,2 მილიონმა მაყურებელმა უყურა, რაც ტელეშოუსთვის რეკორდული მაჩვენებელია. შეგახსენებთ, რომ 2014 წლის აპრილის დასაწყისში „სამეფო კარის თამაშები“ კიდევ ორი სეზონით გაგრძელდა.