Microsoft Corp-ი აპირებს 1 000 ადამიანი გაუშვას სამსახურიდან ფინეთში, თავისი მობილური ტელეფონების მწარმოებელი ქვედანაყოფიდან, - წერს ფინური გაზეთი წყაროებზე დაყრდნობით. ამ გაზაფხულზე, Nokia-ს დაახლოებით 25 ათასი თანამშრომელიMicrosoft-ის შტატში გადავიდა და მათ შორის 4 700 ფინეთიდან. საერთო ჯამში, Microsoft-ის შტატი 127 ათას თანამშრომელს ითვლის და ეს გაცილებით მეტია, ვიდრე ჰყავს Apple-ს და Google-ს. გამოცემა Helsingin Sanomat-ის ინფორმაციით, Microsoft-ი აპირებს დახუროს კვლევითი ცენტრი ფინეთის ჩრდილოეთით, ოულუში, სადაც 500 ადამიანი მუშაობს. დანარჩენი შემცირებები კი სხვა საწარმოებში მოხდება. ცოტა ხნის წინათ, ფინეთის პრემიერ-მინისტრმა ალექსანდრე სტუბმა,სტივ ჯობსი დაადანაშაულა მისი ქვეყნის შრომის ბაზრის განადგურებაში, რომლის ძირითადი ნაწილი Nokia-ს და ქაღალდისწარმოების ბიზნესებზე იყო ბაზირებული. სტუბმა ეს ბრალდება იმით ახსნა, რომ ჯობსის მიერ დაარსებულმა Apple-მა, თავისი სმარტფონებით Nokia გაანაგდურა, ხოლო iPad-ის გამო მოთხოვნა შემცირდა ქაღალდის წარმოებაზე.