ზუგდიდში,ანაკლიაში დაგეგმილი „კაზანტიპის“ სახელწოდებით ცნობილი ელექტრონული მუსიკის ფესტივალის შესახებ მწვავე დისკუსია შედგა. ტურიზმის ეროვნული ადმინისტრაციის უფროსი საქართველოში გიორგი სიგუა და რეგიონული პროექტების კოორდინირების სამსახურის უფროსი დავით კოდუა ფესტივალთან დაკავშირებით საზოგადოებაში არსებულ კითხვებს 2 საათის განმავლობაში პასუხობდნენ. სიგუას განმარტებით, „კაზანტიპის“ მეშვეობით ანაკლია მთელი მსოფლიოს ყურადღების ცენტრში მოექცა. ფესტივალის ფარგლებში საქართველოს 100-ზე მეტი მსოფლიო მნიშვნელობის ვარსკვლავი და დიდი რაოდენობის ტურისტი ეწვევა, რაც რეგიონში მაცხოვრებელთათვის ფინანსური შემოსავლის მნიშვნელოვან ზრდას გამოიწვევს. "12 ათასი განსათავსებელი ადგილი ე.წ „კოიკაა“ აღწერილი ანაკლიაში, რომლის ღირებულებაც 80 ლარს შეადგენს."-აღნიშნა სიგუამ. მისივე ინფორმაციით," კანაზტიპის" ფესტივალში ჩართული იქნება, როგორც შს სამინიტრო, ასევე ჯანდაცვის სამინისტრო. ადგილზე მობილიზებული იქნება 112-ის და სასწრაფო დახმარების ბრიგადები, რომლებიც იზრუნებენ უსაფრთხოებაზე. ასევე,ფესტივალზე შესვლის დროს ჩატარდება ჩხრეკა, რათა არ მოხდეს იარაღის შეტანა, ხოლო რაც შეეხება ნარკოტიკებს, "კაზანტიპის" ყველა მონაწილე, ისევე როგორც სტუმარი გაფრთხილებული იქნება ნარკოტიკული საშუალებების შესახებ ქვეყანაში არსებულ სანქციებზე. ნარკოტიკების შემომტანი ან გამყიდველი კი აუცილებლად დაისჯება კანონის შესაბამისად. შეხვედრის ერთ-ერთი მონაწილის კითხვა „კაზანტიპის „ შესახებ საზოგადოებაში არსებულ არაერთგავროვან დამოკიდებულებას შეეხო,აღნიშნა რომ საზოგადოებისთვის არ არის გამჭვირვალე ინფორმაცია მიწოდებული ფესტივალის ხასიათთან დაკავშირებით და ბევრი მას გარყვნილებასთან აიგივებს, მან ასევე მოიშველია 15 ივლისს ზუგდიდისა და ცაიშის ეპისკოპოსის მეუფე გერასიმეს მიერ "კაზანტიპის" უარყოფითად შეფასება. სიგუამ აღნიშნა,რომ ფესტივალზე აღვირახსნილ ქმედებას, არც ორგანიზატორები მიესალმებიან და ფესტივალი არ იქნება ქართული ტრადიციების შეურაცხმყოფელი. შეგახსენებთ, რომ კაზანტიპის ფესტივალის ჩატარება ანაკლიაში აგვისტოს თვეში იგეგმება.