ზუგდიდის მუნიციპალიტეტის სამ სოფელში: რუხის, ორსანტიისა და ხურჩის ადმინისტრაციული საზღვრის გამშვები პუნქტის სიახლოვეს, შესაძლებელია ქართულ-აფხაზური შერეული ოჯახებისთვის „დასასვენებელი სახლი“გაიხსნას. "დასასვენებელი სახლის“ მშენებლობის იდეა საზოგადოებრივ  ორგანიზაცია „ქართულ-აფხაზური შერეულ ოჯახებ“-ს  ეკუთვნის, რომლის პრეზენტაცია დღეს ზუგდიდის  დემოკრატიული ჩართულობის ოფისში გაიმართა. შეხვედრის ორგანიზატორების თქმით, დასასვენებელი სახლების გახსნა ხელს შეუწყობს ნდობის აღდგენას და სახალხო დიპლომატიის გაძლიერებას. რევაზ ბენდელიანის განმარტებით,  აღნიშნული სახლები, რომელიც საცხოვრებელი სახლების ბაზაზე მოეწყობა,  აღჭურვილი იქნება ტელეფონით, ინტერნეტით და ასევე ვიზიტორები უზრუნველყოფილი იქნებიან ღამისთევის, დასვენების, კვების, იურიდიული კონსულტაციისა და  სამედიცინო დახმარების სერვისებით. „ გარდა აღნიშნულისა, ქართულ-აფხაზური  სახლი გახდება შუამავალი რგოლი, რომელიც საჭიროების შემთხვევაში აფხაზ მოქალაქეებს დააკავშირებს სახელმწიფო უწყებებთან, მაგალითად, ნეიტრალური პასპორტის მისაღებად, ადგილობრივი თუ უცხოეთის სასწავლებელებში ჩასარიცხად და ა.შ. მათ ასევე გაეწევათ სხადასხვა სახის საინფორმაციო- საკონსულტაციო მომსხურეობები. დასვენების სახლის შესახებ ცნობილია მთავრობის შესაბამისი უწყებებისთვის და იდეა მოწონებილია“, -თქვა  კავშირ „ქართულ-აფხაზური შერეული ოჯახები“-ს  თავმჯდომარე რევაზ ბენდელიანმა. ამასთან, რევაზ ბენდელიანი ამბობს, რომ მის ორგანიზაციას კავშირი აქვს აფხაზურ ორგანიზაციებთან, რომლებმაც სხვადსახვა სახის კვლევები ჩაატარეს აფხაზებთან და სწორედ აქედან გამომდინარე გადაწყდა სასტუმროს ტიპის სახლის მშნებლობა ადმინისტრაციული საზღვრების სიახლოვეს. „აფხაზი მოქალაქეები უფრო ხშირად გადმოდიან სავაჭროდ, ნათესავების მოსანახულებლად, სამედიცინო მომსახურეობების მისაღებად და მათი რიცხვი დღეში 50-70 შეადგენს. ვფიქრობ, ამგვარი ობიექტების გახსნა  უზრუნველყოფს ეთნიკურად აფხაზი მოქალაქეების  კეთილგანწყობას საქართველოს სახელმწიფოსადმი“, - ამბობს რევაზ ბენდელიანი. შეხვედრას ესწრებოდნენ აფხაზეთიდან დევნილები,  გამგეობისა და  არასამთავრობო ორგანიზაციების წარმომადგენლები. მათ „დასასვენებელის სახლის“ მშნებლობის იდეასთან სხვადასხვა შენიშვნები ჰქონდათ, მათ შორის სახლეთან დაკავშირებითაც. არასამთავრობო ოგანიზაცია „სამეგრელოს“ თავმჯდომარის ზურაბ კვარაცხელიას თქმით, სახელი - „დასასვენებელი სახლი“ არასასიამოვნოდ  ჟღერს და კარგი იქნება თუ სახელი შეიცვლება.  კვარაცხელიას შენიშვნაზე რევაზ ბენდელიანმა განმარტა, რომ „დასასვენებელი სახლის“ სახელი სწორედ იმ მოთხოვნებს პასუხობს, რომელსაც აფხაზი  მოქალაქეები, საქართველოს მიერ კონტროლირებად ტერიტორიაზე გადმოსვლის დროს  და ასევე  ეთნიკურად ქართველები აფხაზეთში გადასვლის დროს აწყდებიან.