ანაკლიის წმინდა ნიკოლოზის სახელობის ტაძარში წირვა უკვე დასრულდა. მრევლი აცხადებს, რომ მარში მიმართული იქნება იმ უზნეობის წინააღმდეგ,რომელსაც მათივე მტკიცებით, ადგილი ექნება „კაზანტიპის“ ფესტივალზე. მრევლის განმარტებით, ისინი არ დაუშვებენ, რომ მსგავსი ღონისძიებები ანაკლიაში გაიმართოს. მრევლის ერთ-ერთი წევრი ლევან ჩაჩავა აცხადებს: “ჩვენ მოვისმინეთ ანაკლიელების კომენტარი, ჩაატარებინებენ თუ არა ამ ფესტივალს საკუთარ ეზოში,რასაც ისინი კატეგორიულად ეწინააღმდეგებიან, მაშინ რატომ უნდა ჩატარდეს ეს ფესტივალი სანაპიროზე?ანაკლია ჩვენი ოჯახია და არ დავუშვებთ მსგავსი უზნეობა მოგვახვიონ თავს“-აცხადებს ჩაჩავა. ამ დროისთვის ანაკლიაში იმყოფებიან ზუგდიდისა და ცაიშის ეპარქიის, ასევე თბილისიდან ჩამოსული სასულიერო პირები და მრევლი, დაახლოებით 200-მდე ადამიანი. მსველობას უერთდება "მართლმადიდებელ მშობელთა კავშირი" და სამოქალაქო მოძრაობა "სამეგრელოს ხმა".