ზუგდიდის მუნიციპალიტეტის საკრებულოს წევრმა კახა მიქაიამ დღეს გამართულ საკრებულოს სხდომაზე „ქართული ოცნების“ ზუგდიდის ოფისის წარმომადგენლები ყოფილი ნაციონალური მოძრაობის მხარამჭერების თანამდებობებზე დანიშვნაში „ამხილა“.მიქაიამ ისაუბრა, მერიის კულტურის სამსახურის უფროსის თანამდებობაზე ხათუნა დარასელიას დანიშვნაზე, რომელიც მიქაიას თქმით, უცხოელ მასწავლებლს თომას ფლეჩერს მფარველობდა. ამასთან, მიქაიამ განაცხადა, რომ ზუგდიდში „ქართული ოცნების“ აქტივისტების და მხარდამჭერების სრული დისკრიმინაცია ხდება.მან ასევე,აღნიშნა,რომ ზუგდიდის საკრებულოს თავმჯდომარე ლაშა გოგია და ზუგდიდის გამგებელი ედიშერ თოლორა ბიძინა ივანიშვილის პოლიტიკაში გამოჩენამდე ნაციონალური მოძრაობის წარმომადგენლები იყვნენ. „როგორც არ არსერბობს ყოფილი „კეკებეშნიკი“, ისე არ არსებობს ყოფილი ნაციონალი - თქვა სხდომაზე მიქაიამ. მიქაიამ ზემოაღნიშნბული საგანგებო განცხადების შემდეგ საკრებულოს სხდომა პროტესტის ნიშნად დატოვა. მიქაიას განცხადებებს საკრებულოს წევრმა, „ერთიანი ნაციონალური მოძრაობიდან“ კახა ჩანგელიამ სხდომაზევე უპასუხა. მან მიქაიას განცხადებებს სამარცხვინო უწოდა და აღნიშნა, რომ სწორედ კახა მიაქაია დარბოდა ვირით და კუბოთი ქალაქში, როცა ყოფილი ხელისუფლება ქვეყანის მშენებლობით იყო დაკავებული. ზუგდიდის მუნიციპალიტეტის საკრებულოს თავმჯდომარემ ლაშა გოგიამ ჟურნალისტებთან საუბარში აღნიშნა, რომ მან ნაციოანლური მოძრაობა 2007 წელს დატოვა და პოლიტიკაში 2012 წლამდე არ ყოფილა. ზუგდიდის მუნიციპალიტეტის გამგებელმა ედიშერ თოლორაიამ კახა მიქაიას განცხადებებზე ჟურნალიტებთან კომენტარი არ გააკეთა. რაც შეეხება, ზუგდიდის მერიის კულტურის სამსახურის უფროსის ხათუნა დარასელიას პოზიციას მან თქვა, რომ მისთვის წარმოუდგენელია ნაციონალურ მოძრაობასთან მისი გაიგივება, რადგან მისი ოჯახი ყოფილი მთავრობის მსვერპლია. „რას შეეხება თომას ფლეჩერს, მინდა გითხრათ, რომ არ ვარ ჰომოფობი ადამიანი და შინაგანი რწმენით ვთვლი, რომ ადამიანის პირადი ცხოვრება არის ხელშეუხებელი. თუ მუდმივად გაგრძელდება ჩემი სახელის ხსენება, იძულებული გავხდები მივმართო სასამართლოს ჩემი პირადი ღირსების შელახვისათვის“, - თქვა ხათუნდა დარასელიამ.