Apple-ის აქციების ფასმა Nasdaq-ზე $100-ს გადააჭარბა და ამით ამერიკული კომპანია მსოფლიოში უმსხვილესი გახდა საბაზრო კაპიტალიზაციის მიხედვით. გუშინდელი სავაჭრო სესიის განმავლობაში ამერიკული ტექნოლოგიური გიგანტის აქციების ფასმა $100,68-აც კი მიაღწია, რაც კომპანიისთვის წლიური რეკორდია. წელს Apple-მა თავისი თითოეული აქცია 7 აქციად დაყო და სპლიტის გათვალისწინებით, გუშინდელი ფასით Apple-ის აქცია მიუახლოვდა აბსოლიტურ რეკორდს - $705-ს აქციაზე, რომელიც 2012 წლის სექტემბერში დაფიქსირდა. აქციის ფასის ზრდაზე ბოლო წარმატებულმა კვარტალურმა ანგარიშმა იმოქმედა. კომპანიის ფასიანი ქაღალდები ასევე იზრდება ახალი პროდუქტების პრეზენტაციის მოლოდინის გამოც. ფასი ასევე გაზარდა სპლიტმაც, რის გამოც ფასიანი ქაღალდები ინვესტორთა უფრო ფართო წრისთვის გახდა ხელმისაწვდომი. წლის დასაწყისიდან, აქციის ღირებულება მეოთხედზე მეტად არის გაზრდილი. კომპანიის საბაზრო კაპიტალიზაცია გაიზარდა $597.3 მლრდ-მდე, რაც Apple-ს მსოფლიოს უმსხვილეს კომპანიად აქცევს.