„ერთიანი ნაციონალური მოძრაობის“ ზუგდიდის მაჟორიტარობის კანდიდატი როლანდ ახალაია, კონკურენტის მხრიდან არაერთი სიბინძურისა და ჭორის მიუხედავად მიღებულ მანდატზე უარს არ იტყვის“,- აღნიშნულის შესახებ „ინტერნეტ.ჯი“-ს ახალაიას საზოგადოებასთან ურთიერთობის სამსახურის ხელმძღვანელმა თამუნა შონიამ განუცხადა. შონია აცხადებს, რომ კოალიცია „ქართული ოცნების“ ზუგდიდის მაჟორიტარობის კანდიდატის ირაკლი ალასანიას პრესსამსახური ვაკო ავალიანი მიზანმიმართულად ავრცელებს მედიის წარმომადგენლებთან ხმებს, რომ როლანდ ახალიამ საპროტესტო აქციის შემდეგ კანდიდატურის მოხსნის გადაწყვეტილება მიიღო. „ძალიან ბევრმა მედია საშუალებამ დამირეკა კითხვით, ხომ არ მოხსნა ბატონმა როლანდმა კანდიდატურა. დღეს, ზუგდიდის „ერთიანი ნაციონალური მოძრაობის“ ცენტრალურ შტაბთან ზუგდიდის მაჟორიტარი დეპუტატი როლანდ ახალაია ამომრჩევლებს შეხვდა და მათ სიმშვიდისკენ მოუწოდა. როლანდ ახალაიამ აღნიშნა, რომ მან არჩევნები სუფთად და დიდი უპირატესობით მოიგო და უკან დახევას არ აპირებს მიუხედავად ათასგვარი სიბინძურის გავრცელებისა და შანტაჟისა. ჩვენ ზუგდიდელების ნდობის გამართლებას ვაპირებთ“,- აღნიშნავს ახალაიას პრესსამსახური. ცნობისთვის, ზუგდიდში დღეს საოლქო კომისიასთან „ქართული ოცნების“აქცია გაიმართა. ‘’ქართული ოცნების" აქტივისტები იმ უბნებზე, სადაც ირაკლი ალასანია დამარცხდა ხელახალი არჩევნების ჩატარებას მოითხოვდნენ. კოლიციის აქციის პარალელურად, დღესვე, როლანდ ახალაიას მხარდამჭერებიც მივიდნენ „ერთიანი ნაციონალური მოძრაობის“ შტაბთან და როლანდ ახალაიას მიმართ მხარდაჭერა გამოხატეს.