კეტი ჰოლმსი ჟაკლინ კენედის როლს მოირგებს და Reelz Channel-ის მინისერიალში მიიღებს მონაწილეობას. სერიალს, რომლის რეჟისორიც ჯონ კასარი იქნება, “კენედები” ერქმევა და დაფუძნებული იქნება ჯ. რენდი ტარაბორელის ბესტსელერზე “კამელოტის შემდეგ: კენედის ოჯახის პირადი ისტორია 1968-დან დღემდე”. კეტი ჰოლმსი, გარდა იმისა, რომ ყოფილ პირველ ლედის განასახიერებს, პროდუსერობასაც შეითავსებს და რამდენიმე ეპიზოდის დამდგმელ რეჟისორადაც მოგვევლინება. კეტიმ ადრეც შესანიშნავად განასახიერა კენედი და ახლაც განაგრძობს მისი როლის შესრულებას. მას შეუძლია, სული და გული ჩადოს თავის პერსონაჟში და სწორედ ამიტომაა იდეალური! ჰოლმსი ძლიერი, ნიჭიერი ქალია და ზუსტად ესმის, რაოდენ განსაკუთრებული და პატივსაცემი იყო ჟაკლინ კენედი. შეგახსენებთ, რომ ამავე სახელწოდების ადრინდელ სერიალში გრეგ კინიარი და ბარი პეპერი მონაწილეობდნენ. ახალი “კენედების” გადაღებები კანადაში მომდევნო წლის გაზაფხულზე დაიწყება და Reelz-ის არხზე 2016 წელს გამოვა.