საქართველოს პრეზიდენტმა მიხეილ სააკაშვილმა მარტვილის საკრებულოს თავმჯდომარეს მამუკა დანელიასა და გამგებელს ზაალ გოროზიას სიმტკიცისა და თავიანთი უფლებამოსილების შესრულებისკენ მოუწოდა. ”მინდა გითხრათ, რომ არსად არ უნდა გადადგეთ. თქვენ უნდა მოემსახუროთ ქართველ ხალხს. ჩვენ გვინდა სტაბილურობა, გრძელვადიანი განვითარება და ყველამ თავის ვადებში უნდა მაოხდინოს ამ ამოცანების გადაწყვეტა. თუ მთავრობა მოინდომებს ადგილობრივი მმართველობის ვადის აღმოფხვრას, ეს მთავრობა შექმნის პრეცედენტს ასევე საკუთარი თავისთვის. ნამდვილად არ მინდა კონსტიტუციური არასტაბილურობა და აღრევა გამოვიწვიოთ ამ მოქმედებებით”, _ განაცხადა ქვეყნის პირველმა პირმა. ”22 დღე იყო პიკეტირებული გამგეობა. წინა ოთხშაბათს დავიწყეთ ფუნქციონირება. მოვახერხეთ დაგვეძლია შესრულებული სოციალური საკითხები, ხელფასები, ბაღები, ამ დილით კი გავიგეთ, რომ ისევ პიკეტირებულია საკრებულო და შესვლა შეუძლებელია. მიუხედავად იმისა, რომ წლის ბოლოა, ამ დღეებში ვერ ვახორციელებთ ჩვენზე დაკისრებულ მოვალეობას რაიონის მოსახლეობის წინაშე”, - აღნიშნა მარტვილის საკრებულოს თავმჯდომარემ მამუკა დანელიამ.