თეთრ სახლში გამართულ “სელმას” კინოსეანსს ოპრა უინფრი, რეპერი Common-ი და ჯონ ლუისი დაესწრნენ. პრეზიდენტმა ობამამ სტუმრებს 40-კაციან კინოდარბაზში უმასპინძლა. მათ შორის იყვნენ რეჟსიროსი ავა დუვენრნეი, დევიდ ოიელოუო (მარტინ ლუთერ კინგ უმცროსის როლის შემსრულებელი), კარმენ ეიოგო და ტიმ როთი, რომელიც ფილმში ჯორჯ უოლასს განასახიერებს. რაც შეეხება ოპრა უინფრის, ის “სელმას” პროდუსერია და, გარდა ამისა, სამოქალაქო უფლებებისათვის მებრძოლ ენი ლი კუპერსაც განასახიერებს. რეპერი Common-ი კი, ჯონ ლეჯენდთან ერთად, იმ საუნდტრეკს ასრულებს, რომელიც ოსკარზე საუკეთესო კინოსიმღერის ტიტულის მოპოვებისათვის იბრძვის. კინოსეანსი პრესისათვის დახურული იყო. პრეზიდენტის გადაწყვეტილების შესახებ ხუთშაბათს გახდა ცნობილი მას შემდეგ, რაც ოსკარის ნომინანტები გამოცხადდნენ. შეგახსენებთ, რომ “სელმა” წარდგენილია საუკეთესო ფილმისა და საუკეთესო საუნდტრეკის ნომინაციებზე.