მადრიდის „რეალის“ ფორვარდმა კრიშტიანუ რონალდუმ, კოლუმბიელ მომღერალ კევინ როლდანს, რომელმაც მისი 30 წლის იუბილეზე იმღერა, შესაძლოა სასამართლოში უჩივლოს. აღსანიშნავია, რომ მომღერალმა სოციალურ ქსელში რონალდუს დაბადების დღეზე გადაღებული სურათები გამოაქვეყნა, თანაც ფეხბურთელის საღამო თანაქალაქელ „ატლეტიკოსთან“ გასვლით მატჩში (4:0) წაგებას დაემთხვა, რამაც გულშემატკივრების უკმაყოფილება გამოიწვია. ამას გარდა, როლდანმა კრიშტიანუს დაბადების დღესთან დაკავშირებით რამდენიმე ინტერვიუც მისცა, რამაც პორტუგალიელის აზრით, მისი იმიჯი დააზიანა. გავრცელებული ცნობით, ჯერ სასამართლო პროცესზე საუბარი არ არის და საქმე იმაზეა დამოკიდებული, გააგრძელებს თუ არა როლდანი რონალდუზე საზოგაგოდ საუბარს.