ალექსანდრე ანქვაბის მიერ რამოდენიმე დღის წინ გაკეთებული განცხადების თანახმად, ენგურის ხიდზე განლაგებულ ადმინისტრაციულ საზღვარზე გადასვლა მოწესრიგებულია. ინფორმაციას “Абхазский узел“ ავრცელებს. მისი თქმით ენგურის ხიდზე გადასვლა ახლა „ძალიან მკაცრია“ და დადგენილია დოკუმენტები, რომლებიც საჭიროა „სახელმწიფო საზღვრის„ გადასაკვეთად. დე ფაქტო პრეზიდენტის განცხადებითვე, იმ პირებს, ვინც ადმინისტრაციულ საზღვარს ქართული მხრიდან გადაკვეთენ, საზღვარგარეთის პასპორტი უნდა ჰქონდეთ. აღნიშნულ საკითხთან დაკავშირებით  რადიო „ათინათი“სამეგრელო-ზემო სვანეთში აფხაზეთის ლეგიტიმური მთავრობის წარმომადგენელს თორნიკე კილანავას ესაუბრა. კილანავას განცხადებით ადმინისტრაციული საზღვრის მთელ პერიმეტრზე გადმოსასვლელების სახით საცალფეხო ბილიკები არსებობდა. რუსეთის ე.წ სასაზღვრო ჯარების მხრიდან ამ  გადასასვლელბის ლიკვიდაცია მოხდა. ამის სანაცვლოდ კი მოსახლეობას რამდენიმე გადასასვლელის გახსნას დაპირდნენ. დაპირების თანახმად გადასასვლელები უნდა გახსნილიყო ხურჩა-განმუხურის, თაგილონი-შამგონისა და ფახულანი-ქალაღალის გადასასვლელები, თუმცა ეს დაპირებები არ შესრულებულა. თორნიკე კილანავამ ასევე აღნიშნა, რომ საზღვარგარეთის პასპორტი დაწესდება იმ ადამიენებისთვის, რომელთაც არ გააჩნიათ საშვი აფხაზეთიდან და CCCP-ის სიმბოლიკიანი პასპორტი. გალის მაცხოვრებელი რადიო „ათინათთან“ საუბარში აცხადებს რომ გაცილებით უკეთესი იყო ის დრო, როდესაც საზღვარზე აფხაზები იდგნენ და გადასვლა თანხის გადახდის სანაცვლოდ იყო შესაძლებელი.