ზუგდიდში, პრეზიდენტის რეზიდენციასთან გამათულ აქციაზე დაიცავი საქართველოს წარმომადგენელმა კახა მიქაიამ ორგანიზაცია „დევნილი ქალები საკუთარი უფლებებისთვის“ მიერ გავრცელებულ განცხადებას უპასუხა. ორგანიზაციის ხელმძღვანელმა 23 იანვარს, მედიასთან საუბარში აღნიშნა, რომ დევნილები პრეზიდენტის რეზიდენციაში შეჭრას აპირებენ. „არავინ არსად შეჭრას არ აპირებს, აქცია კანონიერების ფარგლებში გაგრძელდება და არ დაიშლება სანამ დევნილების მოთხოვნა არ დაკმაყოფილდება“. განაცხადა „დაიცავი საქართველოს“ წარმომადგენელმა კახა მიქაიამ. მან ასევე ყურადღება გაამახვილა თავდაცვის მინისტრის ირაკლი ალასანიას განცხადებაზე, სადაც ალასანია ამბობს, რომ მას პრემიერ–მინისტრთან „მძიმე“ საუბარი ჰქონდა. „რომელი ხართ რიგში „მძიმედ“ ელაპარაკოთ პრემიერ–მინისტრს“? ამ შეკითხვით კახა მიქაიამ ადგილობრივი მთავრობის წარმომადგენლებს მიმართა.  მიმართვის ბოლოს სამეგრელოში საპარლამენტო არჩევნებში მიღებული შედეგები სამარცხვინოდ შეაფასა და დასძინა, რომ  სამეგრელო არ დაუშვებს საქართველოს პრეზიდენტის ზუგდიდის რეზიდენციაში გადმოსვლას.