ლუკ ევანსი სტუდია Walt Disney-ს ფილმის „ურჩხული და მზეთუნახავი“ სამსახიობო დასს შეუერთდა. როგორც Variety იტყობინება, მსახიობს გასტონის, ზღაპრის მთავარი ანტაგონისტის როლი შეხვდა. მონადირე გასტონი „ურჩხული და მზეთუნახავის“ ერთ-ერთი ყველაზე კოლორიტული გმირია. ის თავის თავს წარმოუდგენლად მიმზიდველად თვლის და ბელის კეთილგანწყობის მოპოვებას ყველა ხერხით ცდილობს. ასევე, ცნობილი გახდა, რომ მოჯადოებული პრინცის როლს დენ სტივენსი შეასრულებს. შეგახსენებთ, რომ ბელი ემა უოტსონი იქნება. აღსანიშნავია, რომ პროექტის რეალიზაცია ცოტა ხნით შეჩერებული იყო, რადგან რეჟისორმა გილერმო დელ ტორომ ის გრაფიკების შეუთანხმებლობის გამო დატოვა.