ზუგდიდში, ყინულის სახლის მშენებლობისთვის ადგილობრივი ბიუჯეტიდან 3 მილიონ ლარამდე გამოიყოფა. ყინულის სახლს შპს „ბრაით ლაითი“ აშენებს და ხელშეკრულების მიხედვით მშენებლობა მიმდინარე წლის მაისისთვის უნდა დასრულდეს. როგორც რადიო „ათინათს“ ზუგდიდში გამგებლის მოვალეობის შემსრულებლის მოადგილემ გიორგი თოდუამ განუცხადა, ნახევარ მილიონ ლარამდე უკვე გადარიცხულია და თანხის დანარჩენი ნაწილი შესრულებული სამუშაოების მიხედვით ეტაპობრივად ჩაირიცხება. ასევე თოდუას თქმით დღეის მონაცემებით ყინულის სასახლის მხოლოდ საძირკველია ამოყვანილი. "ახალი ყინულის სასახლე იქნება უფრო დიდი მოცულობის, კომფორტული და ხარისხიანი",-განაცხადა გიორგი თოდუამ.