მესტიის მუნიციპალიტეტის გამგებლის მოადგილეს, ნელი ნავერიანს სამეგრელო- ზემო სვანეთის ყოფილი გუბერნატორისა და სამხარეო პოლიციის ყოფილი უფროსის, თენგიზ გუნავას წინააღმდეგ სამეგრელო-ზემო სვანეთის მხარის საოლქო სასამართლოში სარჩელი შეაქვს. სარჩელი 2010 წლის 3 მაისს მეტიაში ჩატარებულ სპეცოპერაციას ეხება. ნელი ნავერიანის განცხადებით წინასაარჩევნო პერიოდში ჩატარებულ სპეცოპერაციას სწორედ გოროზია და გუნავა ხელმძღვანელობდნენ. „თავის დროზე ამ ფაქტზე სისხლის სამართლის საქმე ახალგაზრდა იურისტთა ასოციაციამ აღძრა. დაინტერესებული მხარე ვარ მე და ის უამრავი მოწმე, რომლებიც ამ სპეცოპერაციის, ზეწოლის და შანტაჟის მსხვერპლი იყვნენ. მე ყველა შემთხევვაში შემაქვს სარჩელი ამ კვირაში,“ - აღნიშნავს ნელი ნავერიანი რადიო „ათინათთან“ საუბარში. მისივე განცხადებით იგი აღნიშნულ საკითხთან დაკავშირებით იუსტიციის მინისტრ თეა წულუკიანთან აპირებს შეხვედრას. აღნიშნულ საკითხთან დაკავშირებით  რადიო „ათინათი“ თენგიზ გუნავას დაუკავშირდა. შეგახსენებთ რომ მედიაში გავრცელებული ინფორმაციის თანახმად  2010 წლის 3 მაისის საღამოს, მესტიაში ადგილობრივ არჩევნებამდე თითქმის 1 თვით ადრე, ადგილობრივი მთავრობის რამდენიმე მაღალჩინოსანი, მათ შორის პრეზიდენტის რწმუნებული სამეგრელო–ზემო სვანეთის რეგიონში, ზაზა გოროზია და ათეულობით შეიარაღებული პირი სამართალდამცავი ორგანოებიდან ჯიპებითა და პიკაპებით ღამის 3 საათზე ავიდნენ მესტიაში და ადგილობრივი ადმინისტრაციის შენობა დაიკავეს. მათ ოპოზიციის რამდენიმე წარმოამადგენელი მიიყვანეს გამგეობაში, სადაც ზეწოლის გზით აიძულეს ხელი მოეწერათ განცხადებისთვის არჩევნებიდან საკუთარი კანდიდატურების მოხსნის შესახებ.