მთაწმინდაზე, პრემიერ მინიტრის სახლთან „ქართული ოცნების“ აბაშის რაიონული ოფისის წარმომადგენლებმა მთელი ღამე გაათიეს. აქციის მონაწილეები აბაშაში პარტიული თავმჯდომარეობის კანდიდატის გიორგი გვილავას დანიშვნას აპროტესტებენ. მათი განცხადებით გვილავა თვითმარქვიაა. აბაშაში ქართული ოცნების წევრებს თავმჯომარედ დავით კინწურაშვლის დანიშვნა სურთ. რაიონში პარტიულ წარმომადგენლობაში დაპირისპირება უკვე რამდენიმე კვირაა გრძელდება. თუ საკუთარი კანდიდატის დანიშვნა ვერ მოახერხეს, აქციის მონაწილეები საქართველოს მოქალაქეობაზე უარის თქმას აპირებენ. ქართული ოცნების წევრები მედიასთან საუბარში ახადებენ, რომ აბაშაში ნაციონალური „თამაშები“ მიმდინარეობს. ისინი დავით კინწურაშვილის დანიშვნას ლეგიტიმური ყრილობის ჩატარების საფუძველზე ითხოვენ. აღნიშნულ საკიხთთან დაკავშირებით რადიო „ათინათი“ „ქართული ოცნების“ აბაშის ორგანიზაციის წარმომადგენელ ირაკლი ჩხეიძეს დაუკავშირდა. ჩხეიძის განცხადებით გვილავა ბურჯანაძის პარტიის წევრი იყო, ხოლო კონფერენციაზე რომელზეც კანდიდატი იქნა შერჩეული არ იმყოფებოდნენ ქართული ოცნების დელეგატები.