2012 წლის ბიუჯეტიდან დარჩენილი ნაშთის მიხედვით სხვადასხვა უწყებებს დაფინანსება გაეზარდათ. შალვა დადიანის სახელობის დრამატულ თეატრს, რომელისთვისაც 2013 წლის ბიუჯეტიდან 170 ათასი ლარი იყო გამოყოფილი, სხდომაზე მიღებული გადაწყვეტილების საფუძველზე თეატრის დაფინანსება ჯამში 240 ათასი ლარი გახდა. ხოლო სახანძრო–სამაშველო სამსახურის დაფინანსება 60 ათასი ლარით გაიზარდა. ბიუჯეტში მიღებული ცვლილებები ასევე შეეხო სასტუმრო „ანაკლიას“, სასტუმროს ფუნქციური გამართვის ხელშეწყობისათვის 40 ათასი ლარი გამოიყო. დამატებით 134 ათას ლარი გზების რეაბილიტაციისთვის იქნა გამოყოფილი. სხდომაზე ერთხმად იქნა დამტკიცებული 2013 წლისთვის ზუგდიდის მუნიციპალიტეტის ტერიტორიაზე რეგისტრირებული (ადგილობრივი და დევნილი) სამედიცინო დაზღვევის არმქონე პირთა ქირურგიული ოპერაციების სასწრაფო–გადაუდებელი სტაციონარული, ქიმიოთერაპია, ძვირადღირებული მედიკამენტებით დაფინანსების პროგრამა. მუნიციპალიტეტის გამგეობის მოთხოვნა სამეგრელო-ზემო სვანეთის სამხარეო მთავარი სამმართველოსთვის, გამგეობის ბალანსზე რიცხული ავტომობილის, „ტოიოტა ლენდ კრუიზერის“ გადაცემის შესახებ, საკრებულომ დღეს, სხდომის გამართვამდე დღის წესრიგიდან ამოიღო. მოგვიანებით საკრებულოს თავმჯდომარემ, ლევან კონჯარიამ მედიასთან განმარტა, რომ პოლიციის სამმართველოსთვის ავტომანქანის გადაცემის საკითხი ბიუროს სხდომაზე არ განხილულა და შესაბამისად სხდომაზეც არ იქნა გატანილი.