ზუგდიდში, დემოკრატიული ჩართულობის ცენტში არასამთავრობო ორგანიზაციებსა  და საერთაშორისო ორგანიზაციების რეგიონალურ ბიუროებმა ოკუპირებული ტერიტორიებიდან იძულებით გადაადგილებულ პირთა ლტოლვილთა და განსახლების მინისტრის მოადგილესთან,  მამუკა ცოტნიაშვილსთან შევედრა გამართეს. შეხვედრა ხმაურის ფონზე გაიმართა. შეხვედრაზე რამდენჯერმე გაიჟღერა, რომ „ეს იყო სკამებისთვის ბრძოლა“. პირველი კითხვა მინისტრის მოადგილის მისამართით, სამეგრელო–ზემო სვანეთის დევნილთა სამმართველოს უფროსის, ირაკლი ქოჩუას დანიშვნას ეხებოდა. როგორც ცოტნიაშვილმა აუდიტორიას განუმარტა, ამ თანამდებობაზე სამი კანდიდატი განიხილებოდა, დევნილთა სამინისტრომ აქტიურად შეისწავლა თითოეულის მონაცემები და შესაბამისად მიიღო გადაწყვეტილება. არასამთავრობო ორგანიზაციები დაინტერესდნენ დევნილების 2013 წლის სატრატეგიულ  გეგმაზე და მისი განხორციელების ვადებზე. ცოტნიაშვილის თქმით დევნილებისთვის საცხოვრებელი სახლების ასაშენენებლად, ტენდერი თებერვლის თვეში გამოცხადდება. აქვე დასძინა, რომ მნიშვნელოვანია ის ფაქტი, რომ კორპუსების მშენებლობაში ძირითადად  დევნილები იქნებიან დასაქმებულები და ისინი თვითონ მიიღებენ  საკუთარი სახლის აშენებაში მონაწილეობას. ხოლო მშენებლობის ხარისხის მონიტორინგს, სპეციალურად შექმნილი ა.ო ორგანიზაციები გაუწევენ. მედიასთან საუბარში კი „აფხაზეთის ადვოკატთა და ბიზნესმენთა კავშირის“ ხელმძღვანელი, მიმოზა ცხონდიას  თქმით  ქოჩუას დანიშვნა ამ თანამდებობაზე მოხდა პროცედურების დარღვევით. მისივე თქმით, უნდა ყოფილიყო ღია კონკურსი და კონკურსის სახით უნდა გასულიყო ერთი კანდიდატი.  ქოჩუას დანიშვნა ცოტნიაშვილის ერთპიროვნული გადაწყვეტილებით მოხდა.- აღნიშნა ცხონდიამ. შეხვედრის ორგანიზატორი „დევნილი ქალები საკუთარი უფლებებისთვის“ წარმომადგენელი ნონა უბილავას თქმით ძალიან ბევრი კითხვა არსებობდა ქოჩუას დანიშვნასთან დაკავშირებით. რატომ არ არის ამ პოსტზე დანიშნული პირი დევნილი,  ასევე რატომ არ ჩატარდა ღია კონკურსით კანდიდატის შერჩევა?!  თუმცა უბილავას თქმით გარდა ამ საკითხისა მინისტრის მოადგილესთან  აბსოლუტურად ყველა საკითხს შეეხებიან, რაც დევნილებს აქამდე აწუხებდათ. რადიო „ათინათის“ კითხვაზე  ფოცო-ეწერში და ფოთში ე.წ. ახალ რაიონში ჩასახლებულ დევნილებთან დაკავშირებით სამინისტროს რა გეგმები აქვს? ცოტნიაშვილმა განაცხადა, რომ თავის დროზე დევნილთა სამმართველოს მინისტრმა  დავით დარახველიძემ ფოცხოს პროექტი როგორ შეცდომა ისე შეაფასა. და დასძინა რომ მოხდება საკითხის შესწავლა და ამის შემდეგ მიიღებენ საჭირო ზომებს.