რადიო "ათინათთის" წყაროს ცნობით ორგანიზაციის თავმჯდომარის პოსტზე,  ჟურნალისტი ბერდია კალანდიას კანდიდატურას განიხილავენ ასევევ იქნება მეორე კანდიდატის დასახელება, რომელსაც წალენჯიხის "ქართული ოცნების" შტაბის ხელმძღვანელი ჯემალ შელია წარადგენს. შეგახსენებთ, რომ  29 იანვარს წალენჯიხაში, ბერდია კალანდიას კანდიდატურას და პარტიის ყრილობისთვის საჭირო ყველა პროცედურების ფარულად ჩატარებას აპროტესტებდა. როგორც რადიო „ათინათთან“ საუბარში ტერიტორიული მთლიანობისთვის მებრძოლები აცხადებდნენ, მათ დღეს შეიტყვეს პარტიის ყრილობის შესახებ, მაშინ, როდესაც მთელი წინასაარჩევნო პერიოდი კოალიციის მხარდმჭერები იყვნენ. „ქართული ოცნების“ ერთ–ერთი წევრის პაატა სორდიას თქმით, ყრილობისთვის საჭირო ყველა პროცედურა უნდა ჩატარდეს გამჭირვალედ და პარტიის დელეგატებს უნდა მიეცეთ ობიექტური არჩევანის უფლება. „ბერდია კალანდიამ თხუთმეტი დღის განმავლობაში გააწევრიანა რამდენიმე ადამიანი, საიდანაც ის მიიღებდა 100 % გარანტიას რომ მას დაამტკიცებდნენ”, – აცხადებს სორდია. ასევე მისი თქმით, უნდა შეიქმნას საინიციატივო ჯგუფი, სადაც ყველა სასურველ კანდიდატს შეეძლება კონფერენციაზე საკუთარი თავის წარდგენა და ეს იქნება სწორედ დემოკრატიული არჩევანი. წალენჯიხაში ასევე იმყოფებოდა „ქართული ოცნების“ ყოფილი მაჟორიტარობის კანდიდატი გიორგი ნაჭყებია. ნაჭყებიას თქმით ბერდია კალანდია არის მისი მოყვანილი კადრი და ის მხარს უჭერს მის კანდიდატურას. ნაჭყებიამ, ყრილობის გარშემო ატეხილი აჟიოტაჟი კი პროვოკაციად შეაფასა. რადიო „ათინათთის“ კითხვაზე ვინ უწევდა რეკომენდაციას ამ პოსტზე და მმართველ გუნდის წარმომადგენლებთან ჰქონდა თუ არა კონსულტაცია? – ბერდია კალანდიამ კითხვები უპასუხოდ დატოვა. პარტიული ორგანიზაციის თავმჯდომარის კანდიდატი, ბერდია კალანდია მედიასთან საუბარში აცხადებს, რომ ეს იყო ნაციონალების მიერ წინასწარ დადგმული პროვოკაცია. რაც შეეხება დელეგატებისთვის მანდატების დარიგებას, დააგვიანდათ და შესაბამისად დღეს დილიდან დაიწყეს, რამაც პარტიის დელეგატების ნაწილის გაღიზიანება გამოიწვია.