დღეს, 12 თებერვალს, ფოთში „ქართული ოცნება-დემოკრატიული საქართველოს“ ყრილობა ჩატარდა. ყრილობაზე ბიუროს ახლი თავმჯდომარე იქნა არჩეული. აღნიშნულ პოსტზე ირაკლი კაკულიას კანდიდატურას მხარი დელეგატთა უმრაბლესობამ დაუჭირა. ირაკლი კაკულია 2003–2009 წწ  "ახალი მემარჯვენეების" ადგილობრივი ორგანიზაციის ლიდერი იყო, 2002–2006 წწ ფოთის საკრებულოს წევრი, უფრო ადრე კი 1998–2006 წლებში შ.პ.ს ''ალდაგი ფოთი''–ს გენერალური დირექტორი. 2008 წლის საპარლამენტო არჩევნებში, ფოთის მაჟორიტარ კანდიდატად, ბლოკიდან -"ალიანსიდან საქართველოსათვის"- მონაწილეობდა. პოლიტიკიდან, 2009 წელს წავიდა. ბოლო 4 წელია კაკულია ბიზნეს საქმიანობით ყაზახეთში იმყოფებოდა. იგი პოლიტიკაში გასული წლის საპარლამენტო არჩევნების შემდეგ ისევ ჩაერთო. კაკულია ფოთის მერის ვაკანტურ პოსტზე კონკურსში მონაწილეობის მიღებას არ გამორიცხავდა. მოგვიანებით, კაკულიამ კონკურსში მონაწილეობაზე უარი განაცხადა, მიზეზად კი კომისიის არაობიექტურობა დაასახელა და აღნიშნა, რომ შემდგომ არჩევნებს დაელოდებოდა. ფოთის მუნიციპალიტეტის საკრებულოში „ქართული ოცნების“ წარმომადგენელმა მოგელი ტყებუჩავამ რადიო „ათინათთან“ საუბარში განაცხა, რომ ახლადარჩეულ თავმჯდომარეს სამომავლო გეგმებზე ჯერ არ უსაუბრია. „მთავარი კომიტეტი და ბიუროს წარმომადგენლები შევიკრიბებით და დავსახავთ იმ ღონისძიებებს, რაც ქალაქთან დაკავშირებით არის გასატარებელი,“ -აღნიშნა მოგელი ტყებუჩავამ