ზუგდიდში სამხარეო ადმინისტრაციაში სამუშაო შეხვედრა,რაიონული ორგანიზაციის ხელმძღვანელებთან და სახანძრო სამაშველო სამსახურის თანამშრომლებთან გაიმართა. შეხვედრა შსს სპეციალური და საგანგებო ღონისძიებათა ცენტრის, საგანგებო სიტუაციათა მართვის დეპარტამენტის მიერ იყო ორგანიზებული. სამუშაო შეხვედრაზე, ინფორმაციის გაცვლის პრობლემებზე, კავშირგაბმულობის მოწესრიგების საკითხებზე და ტექნიკურ ბაზაზე ისაუბრეს. აუდიტორიამ რამდენიმე რეკომენდაცია გასცა, მათ შორის იყო სოფლის რწმუნებულებთან თანამშრომლობა, რადგან რწმუნებული კარგად ფლობენ სოფლის ტერიტორიულ მონაცემებს, რაც სახანძრო-სამაშველო სამსახურს გაუადვილებს მოკლე გზით მივიდეს განგაშის ადილზე და ცეცხლის ლიკვიდაცია დროულად მოახდინოს. რადიო „ათინათთან“ საუბარში მარტვილის სახანძრო-სამაშველო სამსახურის უფროსმა როლანდ გაგუამ აღნიშნა, რომ მათ სამსახურს სულ სამი სახანძრო მანქანა ყავს და აქედან ორი მუშაობს. ასევე მისი თქმით სახანძროს არ ყავს ოპერატორები რაც ხელისშემშლელი ფაქტორია მათი ოპერატიული მუშაობისთვის. „ ფანტანების და განათებების გაკეთებას ყოველთვის მოვასწრებთ, მთავარია უსაფრთხოების სამსახური იყოს სამუშაო მზად ყოფნაში ასევე ტექნიკით თუ ინვენტარით აღჭურილი“. - განაცხადა შეხვედრაზე გაგუამ. ზუგდიდის სახანძრო-სამაშველო სამსახურის უფროსმა, თამაზ უბილავამ საკუთარი რეკომენდაცია გააცნო შსს სპეციალური და საგანგებო ღონისძიებათა ცენტრის წარმომადგენლებს. მისი თქმით სასურველია ყოველდღიური ტექნიკური მონიტორინგის გაწევა რათა ცენტრმა იცოდეს რეგიონებში რა მდგომარეობაა, ტექნიკა არის თუ არა გამართული და ასე შემდეგ. მისივე თქმით ზუგდიდში ეს პრობლემა არაა, მაგრამ სხვა რაიონებში მზგავსი სახის პრობლემები ნამდვილად არის. განაცხადა თამაზ უბილავამ.