გავრცელებული ინფორმაციით გალის ოკუპირებულ ტერიტორიებზე მცხოვრები მოსახლეობა  მთავრობისგან მიწის დასამუშავებელ ტალონებს ითხოვს. ამის შესახებ ინფორამცი,ა რადიო „ათინათთს“,  სამეგრელო-ზემო სვანეთში აფხაზეთის ლეგიტიმური მთავრობის ოფისში დაუდასტურეს . მათი განცხადებით ოკუპირებული ტერიტორიის მოსახლეობა მსგავს დახმარებას  ელოდება და მათი ადმინისტრაცია ყველაფერს გააკეთებს იმისთვის, რომ საგაზაფხულო, მიწის დასამუშავებელი ტალონები  მიიღონ. ტალონებს საქართველოს სხვადასხვა ქალაქებში თუ რაიონებში დარეგისტრირებული დევნილების უმრავლესობა მიიღებს. „ის დევნილები, რომლებიც დახმარების  ბადეში ვერ მოხვდებიან,  ჩვენ ყველაფერს გავაკეთებთ მათ გამოსავლენად რათა, მათაც მიიღონ აღნიშნული დახმარება“. აცხადებენ „ათინათთან“ საუბარში აფხაზეთის ლეგიტიმური მთავრობის წარმომადგენლები. ასევე დასძენენ რომ უნდა შემუშავდეს ერთიანი ფორმა თუ სად და როგორ შეძლებენ  დევნილები აღნიშნული დახმარების მიღებას. „დევნილი ქალები საკუთარი უფლებებისთვის“ ხელმძღვანელი, ნონა უბილავა რადიო „ათინათთან“ საუბარში აღნიშნავს, რომ  დევნილები ამ მოთხოვნას მთვრობას ღიად ვერ წაუყენებენ მათივე უსაფრთხოების გამო. „ის ორგანიზაციები, რომლებიც ფუნქციონირებენ ამჟამად  კონფლიქტის ზონაში  ყველა მზადაა ჩაერთოს აფხაზეთში  მცხოვრები ოჯახების მონიტორინგში“. აღნიშნა ნონა უბილავამ. ზუგდიდის მუნიციპალიტეტის გამგებლის მოვალობის შემსრულებელის მოადგილემ  გიორგი თოდუამ რადიო „ათინათთან“ საუბარში განაცხადა რომ აღნიშნულ საკითხზე ინფორმაციას ამ დრომდე არ ფლობს.