წალენჯიხის რაიონ სოფელ ლიაში ჩინლების საკუთრებაში არსებული ხე-ტყის გადამამუშავებელი ქარხნის ადმინისტრაციასთან, თანამშრომლებთან და რაიონის ხელმძღვანელობასთან შეხვედრა გაიმართა. რადიო "ათინათს" კომპანია "ჯორჯიანვუდის" წარმომადგენელმა მალხაზ როგავამ შეატყობინა, რომ ქარხნის მუშებმა ხელმძღვანელობისთვის და მუნიციპალიტეტის გამგეობისთვის, რეკომენდაციები შეიმუშავეს. მუშების მოთხოვნით წიფლის ჯიშის მრგვალი ხე-ტყის გადამუშავება ლიას ქარხანაში უნდა მოხდეს. აღნიშნულ რეკომენდაციას როგავა ქარხნის ადმინისტრაციას თბილისში წარუდგენს და თანხმობის შემთხვევაში მუშები ჩვეულებრივ გააგრძელებენ მუშაობას. ქარხნის მუშები კი ჩვენთან საუბარში ყვებიან, რომ მათ ისღა დარჩენიათ, რომ ადმინისტრაციისგან შემუშავებულ რეკომენდაციაზე რეაგირებას დაელოდონ. თავის მხრივ წალენჯიხის მუნიციპალიტეტის საკრებულოს თავმჯდომარე დავით ბელქანია, რომელიც დღეს შეხვედრაზე იმყოფებოდა, რადიო "ათინათთან საუბარში აცხადებს, რომ სპეციალური მიმართვა მზადდება კომპანიისთვის, სადაც ისინი ითხოვენ ამავე რეგიონში მოჭრილი წიფლის ჯიშის ხეები ლიას ქარხანაში იქნას დახერხილი და მისი შრობა ქუთაისში მოხდეს. ასევე ბელქანია დასძენს, რომ ეს არის კერძო კომპანია და მათ გადაწყვეტილებებში ჩარევის უფლება არა აქვთ. მხოლოდ რეკომენდაციებს გაუგზავნიან. კარგი იქნება თუ გაითვალისწინებენ. განაცხადა ჩვენთან საუბარში დავით ბელქანიამ.