ზუგდიდის მუნიციპალიტეტის ადგილობრივი თვითმმართველობის საქმიანობის მეორე შუალედური ანგარაშის პრეზენტაცია დღეს ასოციაცია „ათინათის“ სააქტო დარბაზში გაიმართა. როგორც საინიციატივო ჯგუფის წარმომადგენელმა არჩილ თოდუამ ჟურნალისტებთან საუბარში განაცხადა , ანგარიშში თნამდებობის პირთა საქმიანობის გამჭვირვალობა და ანგარიშვალდებულებების საკითხებია ასახული. ასევე შეფასებულია მათი საქმიანობის სამართლებრივი პროცედურული ნორმები. შეხვედრაზე წარმოდგენილ იქნა დასკვნები ბიუჯეტში გათვალისწინებულ პროგრამებთან დაკავშირებით. ერთერთი სოციალური პროგრამა, სოციალურად დაუცველი პირების უფასო სადილით უზრუნველყოფას ითვალისწინებს , მეორე კი სოფელ ხურჩის მოსახლეობის ტრანსპორტის დაფინანსებას მოიცავს. არჩილ თოდუამ ასევე აღნიშნა, რომ ზუგდიდის მუნიციპალიტეტის საკრებულოს ჯერჯერობით რეკომენდაციები არ გაუთვალისწინებია , თუმცა ისინი პარტნიორული ურთიერთობის ჩამოყალიბებას აპირებენ. რაც შეეხება ზუგდიდის მუნიციპალიტეტის გამგეობას მათ რეკომენდაციების გარკვეული ნაწილი გაითვალისწინეს, თოდუას განამარტებით ეს ეხება საჭირო ინფორმაციების გასაჯაროებას. „ვფიქრობთ რომ სწორედ ასეთი თანამშრომლობის პირობებში არის შესაძლებელი ჩვენს მუნიციპალიტეტში ეფექტური თვითმმართველობის ჩამოყალიბება,“–აღნიშნავს თოდუა. ჯურნალისტების კითხვაზე აპირებს თუ  არა ზუგდიდის მუნიციპალიტეტის გამგეობა რეკომენდაციების გათვალისწინებას, მაია ღურწკაიამ განაცხადა, რომ გამგეობა ყველაფერს აკეთებს იმისთვის, რომ ბიუჯეტში გამოყოფილი თანხის გახარჯვა გამჭვირვალედ მოხდეს ,“ თუ არასამთავროების მიერ იქნა ისეთი რეკომენდაციები მოწოდებული, რომელიც შეიძლება ჩვენს საქმიანობაში გამოვიყენოთ, აუცილებლად გავითვალისწინებთ, თუმცა მათი საქმიანობა ხშირად ბევრ კითხვას ბადებს. მათ აქვთ დაუკონკრეტებელი ინფორმაციები“– განაცხადა მაია ღურწკაიამ. მისი განმარტებით ნებისმიერ ადამიანს ვისაც აინტერესებს სატენდერო ინფორმაცია შეუძლია მიმართოს გამგეობის სპეციალურ სამსახურს. მისივე თქმით ტენდერში გამარჯვება დახურული ფორმით ხდება.