ზუგდიდიში, ჟურნალისტიკის დღისადმი მიძღვნილ ღონისძიებასთან დაკავშირებით ”ადგილობრივი თვითმმართველობის მონიტორინგის საინიციატივო ჯგუფი” თავის მოსაზრებას სოციალურ ქსელ "ფეისბუქის" გვერდზე აქვეყნებს, რომელსაც რადიო "ათინათი" უცვლელად გთავაზობთ. ჟურნალისტიკის დღისადმი მიძღვნილი ღონისძიების ფარგლებში წვეულების ორგანიზების მომსახურების შესყიდვის მიზნით ზუგდიდის მუნიციპალიტეტის გამგეობის მიერ 2013 წლის 18 მარტს გამოცხადებულ იქნა გამარტივებული ელექტრონული ტენდერი. ტენდერში მონაწილეობა მიიღო მხოლოდ შპს „დიარონმა“ და შესაბამისად მან გაიმარჯვა. ამ წვეულებისათვის სადღესასწაულო „ალაფურშეტისათვის“ ზუგდიდის მუნიციპალიტეტის ბიუჯეტიდან 1 199 ლარი იქნა გახარჯული. ჟურნალისტიკის დღესთან დაკავშირებით „არტ-გალერეაში“ გამართულ ღონისძიებაზე შპს „დიარონის“ მიერ მოწყობილ იქნა „ალაფურშეტი“ 40 კაცზე. ”ადგილობრივი თვითმმართველობის მონიტორინგის საინიციატივო ჯგუფი” მიიჩნევს, რომ ზუგდიდის მუნიციპალიტეტის საბიუჯეტო რესურსებით არ უნდა ხდებოდეს მსგავსი ღონისძიებების დაფინანსება, რადგანაც იგი არანაირი დადებითი სოციალური ეფექტის მომტანი არაა ადგილობრივი მოსახლეობისა და ზოგადად მუნიციპალიტეტისათვის. მარტის თვეში, ზუგდიდის მუნიციპალიტეტში უკვე მეორედ ადგილობრივი საბიუჯეტო რესურსების არაეკონომიურ, უმიზნო და გაუზრებელ ხარჯვას აქვს ადგილი. ”ადგილობრივი თვითმმართველობის მონიტორინგის საინიციატივო ჯგუფი” მოუწოდებს ზუგდიდის მუნიციპალიტეტის ადგილობრივი თვითმმართველობის ორგანოებს თითოეული ლარი მიმართონ მუნიციპალიტეტისა და ადგილობრივი მოსახლეობისათვის სიკეთის მომტანი, დადებითი სოცილური ეფექტის მქონე პროექტების განხორცილებაზე. ადგილობრივ თვითმმართველ ერთეულებს ბიუჯეტი საკუთარი, ექსკლუზიური უფლებამოსილებების განსახორციელებლად გააჩნიათ. ამ უფლებამოსილებებში კი, მით უმეტეს ქვეყანაში არსებული მძიმე სოციალური პირობების ფონზე გარკვეულ დღესასწაულთა სუფრით, ალაფურშეტით (ადგილობრივი საბიუჯეტო რესურსებით) აღნიშვნა მიუღებელია. ამ საკითხით საზოგადოების ყველა ფენა და მათ შორის ჟურნალისტებიც უნდა იყვნენ დაინტერესებულნი.