ზუგდიდის მუნიციპალიტეტის 27 სკოლას შორის ინტელექტუარი შეჯიბრი „რა, სად, როდის“ გაიმართა. შეჯიბრში 7-12 კლასის მოსწავლეებმა მიიღეს მონაწილეობა. შეჯიბრი საქართველოს ყველა მუნიციპალიტეტში და ბავშვთა კოლონიაში ტარდება. იგი წელს უკვე მეორედ გაიმართა და  მონაწილეობის მისაღებად 1400 სკოლა დარეგისტრირდა. მოსწავლლეების რაოდენობამ 11 ათასს გადააჭარბა. ღონისძიების ძირითადი მხარდამჭერები საქართველოს ახალგაზრდული დეპარტამენტი და განათლების სამინისტრო არიან.

შეჯიბრის მიზანი ახალგაზრდებს შორის ინტელექტუალური დონის ამაღლება და მათი ნიჭიერების რეგიონულ დონეზე გამოვლენაა.

კლუბის „რა, სად, როდის“ სამეგრელო-ზემო სვანეთის კოორდინატორი ბექა კოდუა აცხადებს, რომ შეჯიბრის ფინალური ეტაპი თბილისში, მაისში გაიმართება.

„კარგია, როდესაც ზუგდიდში მსგავსი შეჯიბრები ეწყობა და კონკურენტული გარემო იქმნება, ინტელექტუალური შეჯიბრების მოწყობამ ინტენსიური ხასიათი უნდა მიიღოს“- აღნიშნა შეჯიბრის მონაწილემ.