ზუგდიდის რაიონულ სასამართლოში მესტიის გამგეობიდან გათავისუფლებული მაია სორდიას სასამართლო პროცესი გაიმართა. როგორც დაზარალებულის ადვოკატი შორენა კალანდია მედიასთან საუბარში აღნიშნავს, სამართლებლივი საფუძვლები, რომლის მიხედვითაც მოხდა სასამართლოს მხრიდან  მათი მოთხოვნის დაკმაყოფილება, ფიქტიური  რეორგანიზაციისგან გამომდინეობს, რომლის შედეგად მესტიის გამგეობაში შტატების შემცირებას ადგილი არ ჰქონია.  საქმის დეტალებიდან გამომდინარე სასამართლომ მოსარჩელის მოთხოვნა დააკმაყოფილა და სორდია მესტიის გამგეობის სახაზინო მომსახურების და შემოსავლების ანალიზის განყოფილების უფროსის თანამდებობაზე აღადგინა.

მოპასუხე მხარის მიერ სასამართლოსთვის წარდგენილ დოკუმენტში თანამშრომლების სამსახურიდან გათავისუფლების ერთ-ერთ მოტივად „სამოხელეო ურთიერთობათა დეპოლიტიზაცია“ იყო მითითებული.

თავის მხრივ მაია სორდია განმარტავს, რომ ის დაკავებული თანამდებობიდან ამა წლის 18 თებერვალს პოლიტიკური ნიშნით იქნა გათავისუფლებული და აქვე დასძენს, რომ დღევანდელი სასამართლო გადაწყვეტილებით კმაყოფილია.