ზუგდიდში, სკოლამდელ დაწესებულებათა ცენტრს ახალი ხელმძღვანელი ჰყავს. როგორც კერძო საბავშვო ბაღი „გვრიტების“ უკვე ყოფილი გამგემ მარინა კვიკვინიამ განაცხადა ,ის ა.წ. 25 აპრილის საკრებულოსა და გამეგობის ერთობლივი გადაწყვეტიებით იქნა აღნიშნულ თანამდებობაზე დანიშნული. კვიკვინიამ დღეს გამგეობის სააქტო დარბაზში საბავშვო ბაღის გამგეებთან გაცნობითი სახის შეხვედრა გაიმართა, სადაც საბავშვო ბაღებში გასატარებელ რეფორმებზე და ძირითად პრიორიტეტებზე ისაუბრეს. კვიკვინიას თქმით, სკოლამდელ აღსაზრდელებში ძალიან ბევრი პრობლემა არსებობს და აუცილებელია მათი მოგვარება ეტაპობრივად მოხდეს. „დღევანდელი შეხვედრიდან ნათელი გახდა, თუ რა ძირითადი საკითხებია მოსაგვარებელი. საბავშვო ბაღის გამგეებმა სხვა საკითხებთან ერთად ფსიქოლოგი და ლოგოპედი მოითხოვეს. ასევე არის ბაღები, სადაც სარემონტო სამუშაოებია ჩასატარებელი და ეს ამ წელს უნდა მოგვარდეს“. განაცხდა მარინა კვიკვინიამ. მარინა კვიკვინია მის საკუთრებაში არსებულ საბავშვო ბაღ „გვრიტების“ დახურვას და ბაღის თექის საწარმოთი გადაკეთებას გეგმავს. „ჩემი მთელი ძალისხმევა მიმართული უნდა იყოს ამ საბავშვო ბაღების ეფექტურ მართვაში.“ აღნიშნა რადიო „ათინათთან“ საუბარში მარინა კვიკვინიამ.