გერმანიის სახელმწიფო მაიმუნზე უფლებას კვირის ბოლოს მიიღებს. ეს იმის გამო მოხდება, რომ თავად შემსრულებელი და მისი წარმომადგენლები, ვერ პატრონობენ მაიმუნს და არც შესაბამისი საბუთები გააჩნიათ. როგორც კი გერმანელები ოფიციალურ მხარეს მოაგვარებენ კაპუცინს თავშესაფრიდან ზოოპარკში გადაიყვანენ. მაიმუნი სახელად მოლი, გერმანიის ცხოველთა თავშესაფარში მას შემდეგ მოხვდა, რაც 2013 მარტში, ის ჯასთინ ბიბერს საზღვარზე ჩამოართვეს. ახალგაზრდა მომღერალმა, გადაწყვიტა მოლი თან ტურნეში წაეყვანა, თუმცა საჭირო დოკუმენტების უქონლობის გამო, მას ცხოველი ჩამოართვეს. ბიბერმა გასტროლები კაპუცინის გარეშე გააგრძელა და გერმანიაში ყოფნისას თავშესაფარში არც ერთხელ არ მოინახულა. სპეციალისტების აზრით, კანადელმა არტისტმა, უპასუხისმგებლობა გამოიჩინა მაიმუნის მიმართ და არც ის გაითვალისწინა, რომ გადაფრენისას ის ძლიერი სტრესის ქვეშ მოექცეოდა.