„მცირე მეწარმეთა კავშირის“ წარმომადგენლებმა დემოკრატიული  ჩართულობის ცენტრში  ბრიფინგი გამართეს. შეხვედრაზე მეწარმეებმა რუსეთ-საქართველოს შორის სავაჭრო ურთიერთობების მოლაპარაკებების გზით აღდგენის თაობაზე პრემიერ მინისტრს და  მთავრობის წარმომადგენლებს მიმართეს. შეხვედრის ერთ-ერთი მონაწილე ზაზა არახამია ურთიერთობების აღდგენის დადებით მხარეებზე საუბრობს: „ჩვენი მოთხოვნაა აქტიურად დაიწყოს მოლაპარაკება აფხაზეთისა და ოსეთის მხარესთან. ჩვენ, როგორც სამეგრელოს წარმომადგენლები მოვითხოვთ აღდგეს აფხაზეთთან თავისუფალი მიმოსვლისა და სავაჭრო ურთიერთობები, გაიხსნას გზა რუსეთის მიმართულებით, რაც გლეხს ადგილობრივი პროდუქციის რუსეთის ბაზარზე გატანაში შეუწყობს ხელს“-აღნიშნავს ზაზა არახამია. ჟურნალისტებთან საუბრისას  "მცირე მეწარმეთა კავშირის"  წარმომადგენელმა  გიორგი სვირავამ აღნიშნა, რომ  ადგილობრივ მცირე მეწარმეებს აფხაზ მეწარმეებთა უშუალო კავშირი აქვთ. „არსებობს დიდი  ალბათობა იმისა, რომ  აფხაზი მეწარმეები ჩვენს მიზნებს გაითვალისწინებენ"- აღნიშნავს გიორგი სვირავა და აქვე დასძენს, რომ მათი მოთხოვნა აპოლიტიკურია და მხოლოდ ერთ მიზანს ემსახურება.