2012 წელს საქართველოში უმუშევრობის დონე 2011 წელთან შედარებით მცირედით, 0.1 პროცენტული პუნქტით შემცირდა და 15.0 პროცენტი შეადგინა. ინიფორმაციას ამის შესახებ სტატისტიკის ეროვნული სამსახური ვარცელებს. სტატისტიკის თანახმად 2012 წელს 2011 წელთან მიმართებაში მოსახლეობის აქტიურობის დონე გ 1.7 %-ით გაიზარდა, ხოლო დასაქმების დონე  1.4 %-ით.უნდა აღინიშნოს, რომ აქტიურობისა და დასაქმების დონეები გაზრდილია როგორც სოფლის, ასევე ქალაქის ტიპის დასახლებებში. დასაქმებულებში თვითდასაქმებულთა რაოდენობა ჭარბობს. 2011 წელთან მიმართებაში დაქირავებით დასაქმებულთა რაოდენობა  4.8 %-ით, ხოლო თვითდასაქმებულთა რაოდენობა  2.8%-ით გაიზარდა. უმუშევრობის დონე  სოფლის მოსახლეობაში, ქალაქის მოსახლეობასთან შედარებით გაცილებით დაბალია. რაც შეეხება უმუშევრობის დონის მაჩვენებელს რეგიონულ ჭრილში, აღსანიშნავია მისი კლება კახეთის რეგიონში 2.4 %-ით და აჭარის ა/რ-ში - 1.5 %-ით. უმუშევრობის დონე გაზრდილია შიდა ქართლისა და ქვემო ქართლის რეგიონებში შესაბამისად 1.7 და 1.6%-ით. ასევე აღსანიშნავია,  რომ 2012 წელს 2011 წელთან მიმართებაში უმუშევრობის დონე მამაკაცებში 0.6 %-ით  შემცირდა, ხოლო ქალებში 0.7 %-ით გაიზარდა.