ზუგდიდის მუნიციპალიტეტის დსაფუთავებისა და ნარჩენების გატანის სისტემის განვითარების სტრატეგია, პარკირების სისტემის ჩამოყალიბება და სასტიპენდიო პროგრამის ამოქმედება ეს ის ძირითადი მიმართულებებია, რომელიც დღეს ზუგდიდის მუნიციპალიტეტის გამგეობაში გამართულ შეხვედრაზე „სამოქალაქო მონიტორინგისა და კვლევის ცენტრმა“ წარმოადგინა. ზუგდიდის მუნიციპალიტეტის გამგებლის მოვალეობის შემსრულებლის მიერ გაცემული სამართლებრივი აქტის მიხედვით თითოეულ არასამთავრობო ორგანიზაციას შესაძლებლობა ეძლევა მონაწილეობა მიიღოს 2014 და მომდევნო სამი წლის პრიოტიტეტების  შემუშავებაში . შეხვედრაზე „სამოქალაქო მონიტორინგისა და კვლევის ცენტრმა“ დასუფთავების სისტემაში არსებულ პრობლემებზე გაამხვილა ყურადღება. მათი განცხადებით ზუგდიდში მოქმედი შპს “ზუგდიდდასუფთავება“ მწირი დაფინასების გამო ვერ ახერხებს თავისი სერვისის მთელი მუნიციპალიტეტის მასშტაბით გაშლას. „სამოქალაქო მონიტორინგისა და კვლევის ცენტრი“ მიიჩნევს რომ დასუფთავებასთან დაკავშირებული პრობლემა დასუფთავებისთის მოსაკრებლის შემოღებისა და ოდენობის განსაზღვრით მოგვარდება. შესაბამისი დადგენილება ზუგდიდის მუნიციპალიტეტის საკრებულომ 2007 წელს მიღღო. თუმცა ცენტრის წამომადგენლების აზრით დადგენილება ცვლილებების შეტანას და რეგულაციების ამოქმედებს საჭიროებს. ზუგდიდის მუნიციპალიტეტის დადგენილების მიხედვით დასახლებული ტერიტორიის დასუფთაებისათვის მოსაკრებელი თვეში 0.5 თეთრს შეადგენს. საქართველოს საბიუჯეტო კაკონმდებლობით კი აღნიშნული მოსაკრებელი მუნიციპალიტეტის ბიუჯეტში ირიცხება, საიდანაც სერვისის მიმწოდებელი კომპანია ფინანსდება. აქედან გამომდინარე ზუგდიდის მუნიციპალიტეტი ყოველწლიურად ადგენს დასუფთავების მოსაკრებლის სახით ბიუჯეტში ამოსაღები თანხის მოცულობას. „ზუგდიდის მუნიციპალიტეტში არ მოქმედებს მოსაკრებლის დარიცხვის ელექტრონული ფორმა , არ გამოიყენება კოპიუტერული პროგრამა, არ არსებობს ქვითრების დარიგების სქემა და არც ქვითრის რეკვიზიტებია საკრებულოს მიერ დამტკიცებული. მოსახლეობისა და იურიდიული პირების უმრავლესობა კი მხოლოდ ნაწილობრივ არის ინფორმირებული მოსაკრებლის გადახდის თაობაზე, ასევე არ არის დაწესებული მკაცრი ადმინისტრაციული მექანიზმები მოსაკრებლის გადაუხდელობაზე.“-აცხადებენ კვლევების ცენტრში. მათივე კვლევების თანახმად ზუგდიდის მუნიციპალიტეტში არ ხდება ნარჩენების გატანის სერვისის ეკონომიკური ანალიზი, ბაზრის შეწავლა და ამის საფუძველზე ტენდერის ჩატარება. „სამოქალაქო მონიტორინგისა და კვლევებია ცენტრმა“ შეიმუშავა შეაბამისი დოკუმენტი იმ საჭიროებების გათვალსიწინებით, რომელიც დასუფთავრების მოსაკრებლის ადა ნარჩენების გატანის მხრივ მუნიციპალიტეტში არსებობს. რადიო „ათინათთან“ საუბარში „სამოქალაქო მონიტორინგისა და კვლევების ცენტრის წარმომადგენელმა“ ნუგზარ გაბელიამ აღნიშნა, რომ ზუგდიდის მუნიციპალიტეტის გამგეობა და საკრებულო გამოხატავენ მზაობას რათა პრიორიტეტების დოკუმენტში ყველა შეთავაზებული წინადადება იქნას გათვალისწინებული . „ჩვენ მივესალმებით სამოქალაქო საზოგადოების ჩართულობას ადგილობრივი თვითმმართველობის საკითხებში. დღეს წარმოდგენილი წინადადებები საკმაოდ საინტერესო, საპროექტო წინადადებებია და ჩენ შემდგომ ეტაპზე დიდი ალბათობით ვითანამშრომლებთ ამ ჯგუფთან“,-აღნიშნა ზუგდიდის მუნიციპალიტეტის გამგებლის მოვალეობის შემსრულებლის მოადგილემ გიორგი თოდუამ.