სამეგრელო-ზემო სვანეთის გუბერნატორის თენგიზ გუნავას განცხადებით, შს სამინისტროს მიერ  სამეგრელოში აღმოჩენილი სპეციალური სამალავი მორიგი შოუა და მას არაფერი საერთო არ აქვს რეალობასთან.  მისივე თქმით, შს სამინისტრო  ეს „შოუ“ სხვადასხვა თემების გადასაფარად დადგა. „ეს შეეხება იმას, რომ თითქოს ტერორისტები დააკავეს . ასევე, იმას, რომ კლიპი აიტვირთა, სადაც თითქოს  ჯიჰადს გვიცხადებდნენ და მერე ამაზე კომენტარი, რომ გააკეთეს საქარველოდან აიტვირთა და ამაზე პასუხს დავდებთო და მერე არაფერი. ასეთი თემბის გადასაფარად უნდათ ეს და ხალხი შეჰყავთ შეცდომაში“ , - განუცხადა თენგიზ გუნავამ რადიო „ათინათს“. მისივე თქმით, შს სამინისტრო პრიმიტიული მეთოდებით მოქმედებს და ის არ გამორიცხავს, რომ „ასეთი სპეციალური სამალავები“ შს სამინისტრომ სხვადასხვა რეგიონში კიდევ „აღმოაჩინოს“. შეეგახსენებთ, შინაგან საქმეთა სამინისტრომ სამეგრელოში სამალავებში ფეთქებად ნივთიერებებთან ერთად წამებისა და შეურაცხმყოფელი მოპყრობის ამსახველი ვიდეოფირები, ნარკოტიკები და წინა ხელისუფლებისადმი ოპოზიციურად განწყობილი პირების მონაცემების შემცველი არქივი აღმოაჩინა. უწყების ცნობით, სამალავი სამეგრელოში ყოფილი ხელისუფლების შინაგან საქმეთა სამინისტროს მაღალი თანამდებობის პირების უშუალო ორგანიზებითა და ხელმძღვანელობით მიწისქვეშ შენიღბულად იყო მოწყობილი.