სენაკის მუნიციპალიტეტის გამგებლის თენგიზ ადამიას თანამდებობიდან გადადგომის  შესახებ განცხადება, საკრებულომ დღევანდელ სხდომაზე ხმათა სრული უმრავლესობით დააკმაყოფილა. დღვანდელ სხდომას 25 დეპუტატიდან 22 ესწრებოდა. ჯერ უცობია ვინ შეასრულებს, გამგებლის მოვალეობას. საკრებულოს თავჯდომარის მოვალეობის შემსრულებლის თენგიზ ხაბურძანიას განცხადებით,  გამგებლის მოვალეობას სავარაუდოდ ერთერთი გამგებლის მოადგილე შეასრულებს. სენაკის საკრებულოს სხდომას,  ასევე ესწრებოდნენ საინიციატივო ჯგუფ „სენაკელების" წარმომადგენლები, რომლებმაც სხდომის დახურვის შემდეგ სიტყვა ითხოვეს.  მათი განცხადებით, სანაკის გამგებელი უნდა იყოს ის ადამიანი, რომელიც წარმოადგენს სენაკის განვითარების გეგმას. ასევე მოითხოვენ რომ  სენაკის მომავალი გამგებელი საზოგადოებასთან შეთანხმებით იქნეს არჩეული. საინიციატივო ჯგუფი "სენაკელები"  მხარს „ქართული ოცნების“ სენაკის ორგანიზაციის საარჩევნო შტაბის ყოფილ უფროსს, გოჩა ბოკუჩავას უჭერენ ასევე მათ აქვთ 15 ათასი ადამიანის ხელმოწერა, რომლებიც მხარს  ბოკუჩავას კანდიდატურას უჭერენ. „სენაკელები“ ასევე,  ეჭვობენ, რომ სენაკის მაჟორიტარი დეპუტატი, გურამ მისაბიშვილი, რომელმაც „ნაციონალური მოძრაობა“ ცოტახნის წინ დატოვა, გამგებლის თანამდებობაზე გოჩა დგებუძის მოყვანა სურს. შეგახსენებთ, სენაკის გამგებელმა თენგიზ ადამიამ გადადგომის შესახებ განცხადებით საკრებულოს  24 ივნისს მიმართა.