1 ივლისიდან დევნილებისთვის განკუთვნილი ყოველთვიური სახელმწიფო ფულადი შემწეობა რომელიც 28 ლარს შეადგენს გაუქმნდა. ამის შესახებ ინფორმაცია სხვადსახვა მედია საშუალებებით გავრცელდა. რადიო „ათინათმა“ ზემო აღნიშნული ინფორმაცია სამეგრელო-ზემო სვანეთის დევნილთა სამმართველოს ხელმძღვანელ ირაკლი ქოჩუასთან გადაამოწმა. ქოჩუამ გავრცელებულ ინფორამციას ჭორი უწოდა და განმარტა, რომ 1 ივლისიდან სიღარიბის ზღვარს ქვემოთ მყოფთა ფულადი დახმარება გაორმაგდება. ხოლო დევნილები, რომლებიც ყოველთვიურ ფულად დახმარებას სახელმწიფოსგან იღებდნენ ჩვეულებრივ მიიღებენ. „გაუქმების შესახებ საუბარი დევნილთა სამინისტროში არ ყოფილა. არც ახლა და არც მომავალში იგეგმება მზგავსი ცვლილება“. განაცხადა ქოჩუამ. „მომავალში იგეგმება დევნილებისთვის განკუთვნილი ყოველთვიური სახელმწიფო ფულადი შემწეობის გაზრდა. პარლამენტში პროექტი უკვე შესულია და თუ როდის ამოქმედდება ეს პროგრამა, ამის შესახებ ინფორმაცია ამ დროისთვის არ მაქვს“. - განუცხადა რადიო „ათინათს“ ირაკლი ქოჩუამ. შეგახსენებთ რომ პირველი ივლისიდან სოციალური დახმარება იზრდება, როგორც ჯანდაცვის მინისტრიმა დავით სერგეენკომ განაცხადა, 1 ივლისიდან სიღარიბის ზღვარს ქვემოთ მყოფთა სოციალური დახმარება ორმაგდება. კერძოდ, ოჯახის პირველ წევრზე 30 ლარის ნაცვლად 60 ლარი იქნება, ხოლო ოჯახის ყოველ მომდევნო წევრზე 24 ლარის ნაცვლად 48 ლარი. გაორმაგებულ სოციალურ დახმარებას 144 000 ოჯახი მიიღებს.