ანაკლიაში, მდინარე ენგურის შესართავთან წყალდიდობაა.  ადიდებულმა მდინარემ ორი ოჯახი დატბორა. ასევე გაძლიერებულია  შტორმი, რის გამო ტექნიკა მუშაობას ვერ ახერხებს. ამის შესახებ რადიო „ათინათს“ ანაკლიის ტერიტორიული ორგანოს რწმუნებულმა დავით ცხადაიამ განუცხადა. „ვცდილობთ ენგურის შესართავი უფრო გავხსნათ, მაგრამ ამ წუთები მუშაობას ძლიერი შტორმის გამო ვერ ვახერხებთ, ზღვა ძალიან ღელავს და მდინარის წყალს ვერ იერთებს“, - ამბობს დავით ცხადაია. მისივე განმარტებით, ანაკლიაში ამ წუთებში წვიმს და ძლიერი ქარია, თუმცა ჯერ საგანგებო მდგომარეობა არ შექმნილა.